• USD 389.52
  • EUR 429.21
  • RUB 6.07
  • CNY 54.94
07 Sáýir, 06:57:14
Shyńjańdyq dúngen: Dereý qazaqtardan keshirim surańdar! (aýdıo)

22 Aqpan, 2020 Oqıǵalar

"Dempartııa" mıtıngisi: Polısııa Imanbaı men Júkeevti de alyp ketti (vıdeo)

Qamshy.kz

Búgin, 22 aqpanda Demokratııalyq partııa shaqyrǵan mıtıngige kelgen belsendilerdiń sońǵy shoǵyryn polısııa "Astana" alańynan ustap alyp ketti. 

Qamshy tilshisiniń habarlaýynsha, mıtıngige jınalǵan 15-ke jýyq belsendi "Astana" alańyndaǵy Mánshúk Mámetova, Álııa Moldaǵulova eskertkishiniń aldynda óz narazylyqtaryn aıtty. Olar Janbolat Mamaıdy bosatýyn talap etip, saıası kúres jolyn toqtatpaıtynyn málim etti. Dempartııa qurý boıynsha yntaly top jetekshisi Janbolat Mamaı abaqtydan shyqqan soń partııany tirkeý jumystary jalǵasady dedi.

Almaty qalasy ákimdiginiń qyzmetkerleri men prokýratýra ókilderi olardan bul jıyndary zańsyz ekenin aıtyp, taraýǵa shaqyrdy.

Odan keıin polısııa belsendilerdi jappaı ustap, kólikke tıep alyp ketti. Olardyń arasynda "Demokratııa" bastamashyl tobynyń jetekshisi, oppozısııalyq saıasatker Janbolat Mamaıdyń áıeli, "Jas Alash" gazetiniń bas redaktory Inga Imanbaı, "Dempartııa" bastamashyl tobynyń negizgi múshesi, saıasatker Tólegen Júkeev te bar. 

Osydan eki kún buryn, 20 aqpanda "Dempartııa" bastamashyl tobynyń jetekshisi Janbolat Mamaı azmattardy 22 aqpan kúni saǵat 11.00-de "Astana" alańyna kelýge shaqyrǵan. Biraq keshe, 22 aqpan kúni keshke qaraı Janbolat Mamaıdy Qaskeleń qalasynda polısııa ustap, Qarasaı aýdandyq ishki ister bólimine jetkizgen. Búgin tańǵy beste onyń "mıtıngige shaqyrdy" degen aıyppen úsh táýlikke qamalǵany belgili boldy. 

Mamaıdy bostatýdy talyp etip, ashtyq jarııalaǵan azamattar da búgin tańǵy 9.30-da ustaldy. 

Sońǵy jyldary Qazaqstanda bılikke qarsy aksııalar men mıtıngiler jıi bolyp júr. Mundaı qarsylyq jıyndaryna kóbine Fransııada turyp jatqan eks-bankır Muhtar Áblıazov shaqyrady. 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir