• USD 468.56

  • EUR 497.56

  • RUB 7.3

  • CNY 67.18

29 Naýryz, 18:23:59
Almaty
+35°

Demokratııalyq partııa shaqyrǵan mıtıng aldynda Almatyda azamattardy ustaý jalǵasyp jatyr. Polısııa men arnaıy jasaq Tóle bı men Abylaı han kósheleriniń qıylysyndaǵy "Astana" alańyn qorshaýǵa alyp, saǵat 11.00-ge josparlanǵan mıtıngige kelip jatqandardy jappaı ustaýda.

Polısııa kóshede júrgen azamattardy basqa jaqpen aınalyp júrýin surap, alańǵa kirgizer emes.

Jýrnalısterdiń qujattaryn tekserip, qyzmettik kýálik pen jeke kýálikterin sýretke túsirip alyp jatyr.

Oqıǵa ornynda júrgen Qamshy tilshisiniń habarlaýynsha, polısııa saǵat 10.00-den beri ondaǵan azamatty ustaǵan.  Oǵan deıin Vlast.kz saıty 70-ke jýyq Demokaratııalyq partııa belsendilerin "Astana" alańyna barar jolda ustap alyp ketkenin habarlady. 

Buǵan deıin, 20 aqpanda Demokratııalyq partııanyń bastamashyl top jetekshisi,  oppozısııadaǵy saıasatker Janbolat Mamaı azamattardy 22 aqpan kúni Almatydaǵy "Astana" alańyna mıtıngige kelýge shaqyrǵan bolatyn. Ony polısııa 21 aqpan kúni "Dempartııa" belsendilerniń biri Janbol Rahmatýlaevtyń Qaskeleń qalasyndaǵy Qarasaı aýdanydyq sotyna barǵan kezde ustap, Qarasaı aýdandyq ishki ister bólimine jetkizgen. Búgin tańerteń Mamaıdyń "ruqsat etilmegen mıtıngige shaqyrdy" degen aıyppen úsh táýlikke qamalǵany belgili boldy.

31 jastaǵy Janbolat Mamaı Qazaqstanda oppozııalyq belsendi, táýelsiz jýrnalıst retinde tanymal. Ol 2017 jyly "Muhtar Áblıazovtyń qarjysyn gazet arqyly zańdastyrǵan" degen aıyppen úsh jyl merzimge shartty jazaǵa kesilip, sot onyń úsh jyl jýrnalıstik qyzmetpen aınalysýyna tyıym salǵan edi. Mamaı qazir probasııalyq baqylaýda. 

О́tken jyldyń qazan aıynda Mamaı bastaǵan bir top belsendi bılikke oppozııasııa retinde "Demokratııalyq partııa" quratyndaryn málimdegen. 2019 jyly 26 jeltoqsanda Ádilet mınıstrligi bastamashyl topty tirkegen. Keıin Mamaı 22 aqpanda Almatyda "Dempartııanyń" quryltaıyn ótkizetinin habarlaǵan.​

Al osy jyly 19 aqpanda "Dempartııanyń" bastamashyl toby Almatyda baspasóz máslıhatyn ótkizip, partııa jaqtastaryna qysym jasalyp jatqandyqtan  22 aqpanǵa josparlanǵan josparlanǵan quryltaı ótpeıtinin, onyń ornyna "mıtıngige shyǵatyndaryn" málimdegen bolatyn. 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir