21 Aqpan, 2020 NEWS
Janbolat Mamaı
Búgin, 21 qańtar kúni keshke qaraı "Dempartııa" qurýǵa yntaly bastamashyl top jetekshisi, oppozısııalyq belsendi Janbolat Mamaıdy polısııa qamaýǵa aldy. Bul týraly Mamaıdyń áıeli, "Jas Alash" gazetiniń bas redaktory Inga Imanbaı habarlady.
Imanbaıdyń sózinshe, polısııa búgin keshi saǵat alty shamasynda Almaty qalasynda "Dempartııa" qurýǵy yntaly toptyń múshesi Janbol Rahmatýllany ustaǵan. Mamaı men onyń jaqtastary Rahmatýlannyń soty bolý kerek bolǵan Qarasaı aýdandyq sotyna barǵan kezde keminde 10 polısııa qyzmetkeri Mamaı men onyń jaqtasyn ustap, Qarasaı aýdandyq ishki ister bólimine aparǵan.
Ishki ister bólimindegiler ázirge eshqandaı túsinik bergen joq.
19 aqpanda Mamaı bastaǵan "Dempartııa" ókilderi 22 aqpanǵa josparlanǵan quryltaı sezd ótpeıtinin, onyń ornyna sol kúni mıtıngige shyǵatynyn aıtqan edi. Al keshe Janbolat Mamaı azamattardy 22 aqpan kúni Almatydaǵy "Astana" alańyna mıtıngige kelýge shaqyrǵan bolatyn.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir