Koronavırýs Qytaıdyń úsh provınsııasyndaǵy bes túrmege jetti. Qazirgi tańda 500-ge jýyq tutqyn aýyryp jatyr. Bul týraly Qytaı ádilet mınıstrliginiń ókili He Pıng málimdedi.

Mınıstrliktiń málimetinshe, Chjeszıan provınsııasyndaǵy "Shılıfen" túrmesinde koronavırýstyń jańa túrimen aýyrǵandar sany 34 adamǵa jetken. Vırýsty túrme qyzmetkerleriniń biri juqtyrǵan. Ol 14-19 qańtar aralyǵynda Ýhanda bolǵan eken, biraq ony jasyryp, jumysyn jalǵastyra bergen. 25 qańtarda aýrý belgileri paıda bolyp, 4 kúnnen keıin koronavırýs anyqtalǵan. Mamandar bólmelerdi dezınfeksııalaǵanymen, tutqyndardyń kóbi aýrýdy juqtyryp alǵan.

Qytaıdyń shyǵysyndaǵy "Shandýn" provınsııasynda ornalasqan "Jenchen" túrmesinde de koronavırýstyń belgileri tabylǵan. 20 aqpandaǵy jaǵdaı boıynsha, vırýsty túzeý mekemesinde jazasyn ótep jatqan 200 sottalýshy men qaýipsizdik qyzmetiniń 7 qyzmetkeri juqtyrǵan.

Sondaı-aq Qytaıdyń "Hýbeı" túrmesinde de ınfeksııanyń 271 oqıǵasy tirkelgen. Qazirgi tańda olardyń arasynda qaıtys bolǵandar joq.

Sońǵy málimetter boıynsha, 20 aqpanda tańerteń álemde koronavırýstyń jańa túrin juqtyrǵandardyń jalpy sany 75 713 adamǵa jetken, onyń 16 231-i aýrýhanalardan shyǵaryldy,  qaıtys bolǵandar sany 2126 adam. 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir