21 Aqpan, 2020 NEWS

Toqaev belgili arhıtektordyń otbasyna kóńil aıtty

anatili.kazgazeta.kz

Prezıdent Qasym-Jomart Toqaev belgili arhıtektor, akademık, memlekettik syılyqtyń laýreaty Ábdisaǵıt Tátiǵulovtyń dúnıe salýyna baılanysty onyń otbasyna kóńil aıtý jedelhatyn joldady. 

"Ábdisaǵıt Shaımuhanbetuly Qazaqstanda qurylys salasyn damytýǵa úlken úles qosqan qaıratker. Uzaq jyldar boıy "KAZGOR" jobalaý akademııasyn basqaryp, elimizde eńseli ǵımarattar men saltanatty saraılardyń boı kóterýine sińirgen eńbegi óte mol. Ol ulttyq sáýlet mektebin qalyptastyryp, shákirt tárbıeleýdiń ozyq úlgisin kórsetti. О́negeli ǵumyr keship, sońyna óshpes iz qaldyrǵan Ábdisaǵıt Tátiǵulovtyń jarqyn beınesi halqymyzdyń júreginde máńgi saqtalady" delingen jedelhatta.

Prezıdent sondaı-aq ol ulttyq sáýlet mektebin qalyptastyryp, shákirt tárbıeleýdiń ozyq úlgisin kórsetkenin atap ótti.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir