Shymkent mańyndaǵy áskerı bólimnen qashqan Abylaı Balǵynbaev týraly onyń týys aǵasy málimet bergen. Bul týraly tengrinews.kz  habarlady. 

Nurdáýlet Balǵynbaıdyń aıtýynsha, Abylaı óz úıiniń tuńǵyshy, sońynan ergen qaryndasy jáne úsh baýyry bar. Jaýyngerdiń otbasy Shymkent qalasynyń mańyndaǵy Qaınar aýylynda turady.

– Búgin tańerteń onyń ata-anasyn Badamnyń tártip saqshylary alyp ketti. Olardan jaýap alý úshin alyp ketken bolýy kerek. Abylaıdyń ata-anasy jumys istemeıdi, úı sharýasyndaǵy adamdar. Sonymen qatar, onyń qurylysta jumys isteıtin taǵy bir baýyry bar, – dedi Nurdáýlet Balǵynbaev. 

Nurdáýlettiń sózinshe, Abylaıdyń arnaýly orta bilimi bar. 2015 jyly Shymkenttegi Avtotehnıkalyq kolledjdi bitirgen. Sondaı-aq ol Abylaıdyń Badamdaǵy áskerı bólimde biraz jyl qyzmet etkenin jáne onyń adamdarmen eshqashan janjalǵa kelmegenin aıtty. 

– Ol óte ashyq-jarqyn, jaqsy jigit. Eshkimmen qatty janjalǵa kelgen emes. Sońǵy ret onymen sóıleskenimde, renish týraly áńgime bolǵan joq. Negizi óz problemalaryn menimen bólisken emes. Biz aıtarlyqtaı jıi sóılesip turmaıtynbyz. Qazir ǵalamtorda aǵam týraly áńgimeler tarap jatyr. Sońǵy bir táýlik ishinde ol menimen baılanysqa shyqqan joq, – dedi Nurdáýlet.

Sondaı-aq Abylaıdyń minezi týraly onyń synyptasy da aıtty. 

– Iá, biz mektepte birge oqydyq. Ol meniń synyptasym. О́te sabyrly, eshqashan tóbeleske aralaspaǵan, 4 pen 5-ke oqyǵan bala edi. Onyń eshqandaı ózgesheligi bolǵan joq jáne áskerı bólimde qyzmet etip júrgenin estidim, – dedi synyptasy.

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir