Almaty qalasynyń turǵyndaryna taǵy bir jaqsy múmkindik týyp tur. Almaty qalasynyń ákimi Baqytjan Saǵyntaev qala turǵyndaryna esep berý jıynynda Almatyny damytý jáne áleýmettik ahýaly tómen otbasylardy qoldaýǵa úsh máselege basa nazar aýdardy.

Mysaly, zamanaýı qurylǵylardy satyp alý jáne ornatý esebinen zııandy gazdardy anyqtaý jáne Almaty qalasy áýe basseıniniń jaı-kúıin baqylaý sapasyn jaqsartý, sondaı-aq qaıyrymdylyq baǵytta úı sharýashylyǵyn qoldaý úshin áleýmettik jaǵdaıy tómen jáne gaz ornatýǵa múmkindigi joq, májbúrli túrde zııandy zattardy shyǵarý kózi bolyp tabylatyn peshti qoldanyp otyrǵan halyqqa qoldaý kórsetý.

– Turǵyndar úıine gaz ornatý úshin azamattarǵa paıyzsyz nesıe berý máselesin pysyqtaýǵa bolady dep oılaımyn jáne bul taqyrypty egjeı-tegjeıli Halyk Bank-pen talqylap, birge jumys isteımiz, – dedi Baqytjan Saǵyntaev.

Bul usynysty bank ókili de qoldady. “Halyk Bank bas keńsesi Almaty qalasynda ornalasqan uıym retinde, bizdiń týǵan qalamyzda qalyptasqan ekologııalyq jaǵdaıǵa qatty alańdaımyz”, – dep málimdedi Halyk Bank Basqarma tóraǵasynyń orynbasary Dáýren Sartaev. 

Sondaı-aq ol ákimniń usynysyn qoldaıtynyn jetkizdi:

“Sondyqtan, biz óz tarapymyzdan ekologııany jaqsartý jónindegi baǵdarlamaǵa qatysýǵa jáne Almaty qalasy ákimdiginiń ekologııalyq baǵdarlamalaryn qoldaýǵa, demeýshilik úles qosýǵa daıyn ekenimizdi málimdeımiz. Biz úshin aýa tazalyǵyn baqylaý monıtorıngi júıesin qurý, sondaı-aq halyqtyń áleýmettik jaǵdaıy tómen otbasylardyń úıine gaz ornatý bastamasy mańyzdy. Respýblıkadaǵy jáne qalanyń iri qarjy uıymy retinde biz Almatynyń bıznes qaýymdastyǵyn ataýly bastamaǵa qosylýǵa shaqyramyz.

Qazirgi ýaqytta usynǵan bastamany iske asyrý úshin qala ákimdigimen birlesip pysyqtalýda. Nátıjesi qosymsha jarııalanady”.

«Qazaqstan Halyq Banki» AQ Qazaqstan Respýblıkasyndaǵy eń iri kommersııalyq bank, naryqta 95 jyldan asa tabysty jumys istep keledi jáne negizgi kórsetkishter boıynsha elde kóshbasshy orynda tur. Bank óz klıentterine qyzmetterdiń keń salasyn (banktik qyzmetter, saqtandyrý, lızıng, brokerlik qyzmetter jáne aktıvterdi basqarý, ınkassasııa jáne t.b.) usynatyn Halyk tobyna kiredi. Sonymen birge Bank óz operasııalaryn Reseıde, Grýzııada, Qyrǵyzstanda, Tájikstanda jáne jaqynnan beri О́zbekstanda iske asyrady.

Túrkitildes jýrnalıster qory

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir