Jat dinı aǵymdaǵylardyń ádisteri

Qazaqstandaǵy destrýktıvti dinı aǵymdaǵylar basqa adamdardy óz qatarlaryna tartý úshin taksı qyzmetkerlerimen de tyǵyz baılanys ornatýdy bastaǵan, dep habarlady Astana telearnasy.

Jat aǵymdaǵy adamdar avtokólikterdi jalǵa alyp, taksı qyzmetkeriniń rólin atqarý arqyly óz qurbandaryn izdeıdi eken. Kólikke mingen adamǵa rýhanı qundylyqtar týraly áńgime aıtyp, ádilettik týraly sóz qozǵaıdy. Dittegen jerine jetken kezde jol aqysyn azdaý surap, álgi jolaýshynyń nómirin alyp qalýǵa áreket etedi. 

Áleýmettik jelini kóp qoldanatyn adamǵa syrtqy ortadan az kóńil bólinedi. Al olar jetkilikti dárejede adamǵa kóńil bólý arqyly, adam sanasyn ýlaıdy. Osyndaı áreketterge berilgen qazaq qyzdary Sırııadaǵy erlermen hat alysqannan keıin, birden sol jaqqa ketip qalady. 

Mamandardyń aıtýynsha, jat dinı  aǵym ókilderi adamdardy ózderine tartý  úshin jyl saıyn jańa bir ádis-tásil oılap tabady eken.