Mamaı azamattardy "Astana" alańyna shaqyrdy (vıdeo)

"Dempartııa" qurýǵa yntaly bastamashyl top jetekshisi, oppozısııadaǵy belsendi Janbolat Mamaı  azamattardy 22 aqpan kúni Almatydaǵy "Astana" alańyna kelýge shaqyrdy. Bul týraly ol óziniń Facebook jáne Youtube jelisindegi paraqshalarynda habarlady. 

"Saıası tutqyndardy bosatýdy, saıası reformalar júrgizýdi jáne Qordaıda bolǵan qaqtyǵysty obektıvti zertteýdi talap etetin mıtıngi Almaty qalasynda 22 aqpan kúni saǵat 11:00-de «Astana» alańynda (Tóle bı men Abylaı han kósheleriniń qıylysy) ótedi. Barlyǵymyz bir judyryq bolyp, mıtıngige shyǵaıyq, aǵaıyn!" dep jazdy Mamaı Facebook paraqshasynda. 

Mamaı aldaǵy ýaqytta partııanyń sezdin qaıta belgileıtinderin de málimdedi.

"Bizdiń qolymyzdy bir myńnan astam adamnyń tizimi daıyn tur. Mıtıngiden soń sol tizimdi qaıtadan Ádilet mınıstrligine tapsyryp, Demokratııalyq partııanyń sezin qaıta belgileımiz. Osy joly halyq kóp shyǵyp, jan jaqtan bul bılikti qyspaqqa alsaq, mundaı arandatýlar endi qaıtalanbaıdy dep sanaımyn! Bul talapty bılikke ashyq qoıý kerek!" dedi Mamaı. 

Keshe, 19 aqpanda Mamaı bastaǵan "Dempartııa" ókilderi 22 aqpanǵa josparlanǵan quryltaı sezd ótpeıtinin, onyń ornyna sol kúni mıtıngige shyǵatynyn aıtqan edi.