20 Aqpan, 2020 NEWS

Ákimdik: "Zaısan aýdanyna Qytaı azamattary jatqyzylady" degen aqparat – jalǵan

Ashyq derekkóz

Shyǵys Qazaqstan oblysynyń ákimdigi Zaısan aýdanyda koronavırýs juqtyrǵan Qytaı azamattary jatqyzylady degen aqparattyń shyndyqqa sáıkes kelmeıtinin aıtty, dep habarlaıdy Qamshy.kz aqparat agenttigi. 

Kesheli beri áleýmettik jelilerde «koronavırýs juqtyrǵan Qytaı azamattary Zaısan aýdanyna jetkizilip, jergilikti aýrýhanaǵa jatqyzylady» degen syńaıdaǵy aqparattar tarap ketken. Osyny estip úreılengen Sarterek jáne Aınabulaq aýylynyń turǵyndary kóshege shyǵyp, sondaǵy aýrýhanalardyń aldyna jınaldy. Olar shekaranyń jabylýyn talap etken.

«Oblys ákimi Danıal Ahmetov jurtty tynyshtandyrý úshin Zaısanǵa keldi. О́ńirimizge naýqas adamdar ákelinedi degen aqparat jalǵan. Shyndyqqa sáıkes kelmeımin málimetterdi taratqandar qylmystyq jaýapqa tartylatynyn eske salamyz», - deıdi oblys ákiminiń baspasóz qyzmeti.

19 aqpan kúni aımaq basshysy Danıal Ahmetov halyq aldynda esep berý kezdesýinde shekaralas aýyl turǵyndaryn koronavırýstan úreılenbeýge shaqyrǵan edi.

«Qazaqstanda ınfeksııa juqtyrǵan eshkim joq. 17 aqpannan bastap Qytaıdan kelgen árbir azamat 2 aptaǵa observasııalyq baqylaýǵa jatqyzylýda. Oblystyń medısınalyq mekemelerinde koronavırýsqa qarsy preparattar qory jetkilikti. Sondyqtan barshańyzdy úreılenbeýge shaqyramyn. Jaǵdaı baqylaýda», - dedi Danıal Kenjetaıuly.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir