20 Aqpan, 2020 NEWS
«Ol úshin men 12 sıyr ustaımyn»: Aýylsharýashylyq kolledjderi ózin asyraı almaı otyr
Qazaqstanda búginde 800-den astam agrarlyq kolledj bar bolsa, tek onyń 17-si ǵana agroónerkásip kesheni mamandaryn daıarlaýda. Sondaı-aq, kolledjden keıin jumys isteýge keletin mamandardyń daıyndyq deńgeıi de tómen. Sol sebepti, aldaǵy ýaqytta oqý oryndary sany qysqarýy múmkin.
Foto: kkatk.kz
Kezdesýde Aqtóbegi joǵary aýyl sharýashylyǵy kolledjiniń dırektory Amankeldi Esirkepov aýyl sharýashylyǵy salasy mamandaryn ázirleýde quzyrly organdardyń tájirıbeden ótý máselesindegi kinárattardy atady:
«Bizge tájirıbe jaǵy jetispeıdi. Bizdiń kolledjdiń bazasynda tórt túlik maldyń bári bar. Ol úshin biz memleket bıýdjetinen eshteńe almaımyz. Stýdentterdiń tájirıbeden ótýin uıymdastyrý jaǵyn qoldaý kerek. Sondaı-aq, Qazaqstanda aýyl sharýashylyǵy mamandaryn daıyndaýǵa qatysty kitap sońǵy ret 2010 jyly shyqqan. Bilikti mamandar daıarlaý úshin sońǵy shyqqan salalyq kitaptar qajet. Ekinshi másele, ol pedagogtardy qoldaý máselesi tur», - dedi Amankeldi Esirkepov.
Osy rette, Senat spıkeri oryndy másele kóterilip otyrǵanyn aıta kelip:
«Kolledjden keıin jumysqa alatyn mamandardyń daıyndyq deńgeıi tómen, tájirıbelik daǵdylary joq. Bıýdjetten qarjy bólinedi, esepterde bári durys. Al is júzinde mamandar tapshy», - dedi ol.
"Qarjy" demekshi, kezdesý barysynda kolledj basshylary qarajattyń tapshy bolý sebebin de jetkizdi. Olardyń aıtýynsha, oqý oryndary jıi mal satyp alýǵa májbúr. Sebebi, ony stýdentterdiń mal sharýashylyǵynda naqty tájirıbe jınaqtaýy úshin paıdalanady.
Tipti, sondaǵy dırektorlardyń biri :«Ol úshin men 12 sıyr ustaımyn», - dep ashyǵyn da aıtty.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir