20 Aqpan, 2020 NEWS

Ońtústik Koreıada taǵy bir Qazaqstan azamaty sottaldy

Foto : Pixabay

Ońtústik Koreıada Qazaqstan azamaty ımmıgrasııalyq zańdardy buzdy dep aıyptaldy. Bul týraly koreıalyq BAQ ókilderi habarlady.

Shamamen 20 shetel azamatyna bosqyn mártebesin alýǵa kómekteskeni úshin Qazaqstan azamaty 2 jylǵa bas bostandyǵynan aıyryldy. Ol óz qyzmeti úshin bir adamnan 1 mıllıon vonnan (834 AQSh dollary) alǵan.

Onymen birge bul iske Ońtústik Koreıanyń eki azamatynyń da qatysy bar, olarǵa da tıisinshe aıyp taǵyldy. Sot sheshimi boıynsha olar 3-5 mıllıon von kóleminde aıyppul tóleýge mindetti. 

Bul Ońtústik Koreıada sottalǵan alǵashqy qazaqstandyq emes. 2020 jyldyń basynda Chanvon okrýginiń sýdıasy 21 jastaǵy Qazaqstan azamatyn adam qaǵyp, kólikti lısenzııasyz júrgizgeni úshin 2 jyl 6 aıǵa bas bostandyǵynan aıyrǵan bolatyn. Prokýratýra oǵan 5 jyl bas bostandyǵynan aıyrýdy surady. Biraq sýdıa sottalýshynyń ókingenin, sondaı-aq, Koreıaǵa óz erkimen kelgenin  eskerdi. 

Oqıǵa 20 qyrkúıekte bolǵan. Qazaqstan azamaty 7 jasar balany qaqqannan keıin, kelesi kúni Qazaqstanǵa ushyp ketken. 

 

Ilmek sózder: Koreıadaǵy sot

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir