Memleketaralyq avıasııa komıtetiniń (MAK) bas dırektory Vıktor Sorochenko Almaty mańyndaǵy Bek Air ushaǵynyń apatqa ushyraý sátiniń tehnıkalyq zerthanada jasalǵan vıdeosyn kórsetti.

– Men osyǵan deıin avıasııada osyndaı jaǵdaılardyń bolǵanyn aıttym. Ushýdyń mundaı parametrlerin biz 2007 jyly Fransııada baıqaǵan bolatynbyz. Mamandar áýe apatyna saraptama júrgizdi. Fransııanyń organdary bizge barlyq málimetti berdi, – dedi Sorochenko.

Memleketaralyq avıasııalyq komıtettiń bas dırektory bul vıdeonyń avıasııalyq komıtettiń tehnıkalyq zerthanasy negizinde jasalǵanyn aıtty.

Apat týraly aıta otyryp, ol ushý úshin qajetti jyldamdyqty alǵannan keıin ekıpajdyń qozǵalysty toqtatýǵa quqyǵy joq. Iаǵnı, bul ushaqtaǵy jolaýshylarǵa úlken qaýip tóndiredi dep túsindirdi.

Eske sala keteıik, "Bek Air" ushaǵy 27 jeltoqsanda tańǵy saǵat 7:05-te Almatydan Nur-Sultanǵa ushyp shyǵyp, odan keıin radardan joǵalyp ketken bolatyn. Bortta 93 jolaýshy jáne bes ekıpaj múshesi bolǵan edi.

"Qamshy" silteıdi
Ilmek sózder: Bek Air ushaǵy

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir