19 Aqpan, 2020 NEWS
vıdeodan skrınshot
Demokratııalyq partııa qurǵysy kelip júrgen bastamashylar delegattardy jappaı tutqyndaǵannan keıin quryltaı seziniń ornyna mıtıng ótkizetin boldy. Bul týraly partııa bastamashyl tobynyń jetekshisi Janbolat Mamaı habarlady.
– Bizdiń qoldaýshylarymyz ben belsendilerimizge quryltaı kongresin toqtatý úshin buryn-sońdy bolmaǵan qysymnyń saldarynan 22 aqpanda josparlanǵan sezd bolmaıtynyn habarlaımyz. Biraq sol kúni biz adam quqyǵyn buzýǵa qarsy narazylyq bildiretin mıtıngke kelip, búgin qamaýda otyrǵan jaqtastarymyzben birge ekenimizdi kórsetemiz , – dedi Janbolat Mamaı.
Janbolat Mamaıdyń aıtýynsha, sońǵy kúnderi Demokratııalyq partııanyń barlyq óńirdegi belsendileri men quryltaı sezine qatysqysy keletin delegattar zańsyz ustalǵan.
– Keshe Mańǵystaý oblysynan sezge bara jatqan 30-ǵa jýyq adam ustalyp, oblystyq polısııa basqarmasyna jetkizildi. 5 adam bes kúnge qamaýǵa alyndy, búgin taǵy birneshe sot prosesi ótedi. Atyraý oblysyndaǵy belsendimiz Álibek Musauly da qamaýǵa alyndy. Qostanaı men Semeıdegi jaqtastarymyzǵa da qarsy qylmystyq ister qozǵalyp jatyr, – dedi Demokratııalyq partııa bastamashyl tobynyń jetekshisi.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir