Bul týraly Halyk Arena kópsalaly kesheniniń aýmaǵynda ótip jatqan eseptik kezdesý barysynda Almaty qalasynyń ákimi Baqytjan Saǵyntaev málimdedi.

Almaty ákimdigi Almaty jastary úshin baǵdarlamaǵa bastama jasady.

– Biz jańa "Almaty jastary 3.0" baǵdarlamasyn ázirledik. "Almaty Jastary"  – jańa turǵyn úı baǵdarlamasynyń biregeıligi tómen paıyzdyq mólsherleme. Iаǵnı, 13 mln teńgege deıingi qaryz jyldyq 5% jeńildikpen beriletin bolady,  – dedi B. Saǵyntaev.

Baǵdarlama boıynsha nesıeni qaıtarý merzimi 3 jyldan 25 jylǵa deıin tólem qabilettiligi boıynsha jeke esepteledi. Bastapqy jarna – 10%. Bul baǵdarlamaǵa ákimdik 10 mlrd. teńge, Qazaqstannyń turǵyn úı qurylys jınaq banki 3 mlrd. teńge bóldi. Qatysýshylardyń bastapqy jáne qaıtalama turǵyn úı baǵdarlamasyn satyp alý múmkindigi qarastyrylǵan. Qala ákimi baǵdarlamanyń maqsatty aýdıtorııasy – bıýdjettik salanyń jas qyzmetkerleri (35 jasqa deıin) ekenin atap ótti. Olar muǵalimder, dárigerler, JOO oqytýshylary, mádenıet, sport salasynyń ókilderi, jýrnalıster men ǵalymdar. Jalpy, Almatyda 8,4 myń kóppáterli turǵyn úıleri bar eldegi eń iri turǵyn úı qory bar ekenin atap ótken jón. Turǵyn úı kezegi jyl saıyn ósip keledi. Bul jalpy megapolıstiń tartymdylyǵyna baılanysty.

Búgingi tańda turǵyn úı kezeginde 25 533 azamat tur. Bul ótken jylmen salystyrǵanda 4,5 myń adamǵa artyq. О́tken jyly 3162 muqtaj turǵyn úımen qamtamasyz etildi. Sonyń ishinde kópbalaly 520 otbasy jáne balalar úıiniń 114 túlegi bar. Sonymen qatar, 2019 jyly jumys isteıtin 1050 jasqa jalǵa beriletin páterlerdiń kiltteri tabystaldy. Jalpy, 2020 jyly 3810 otbasyn turǵyn úımen qamtamasyz etý josparlanýda. Olardyń ishinde myńǵa jýyq páter "Baqytty otbasy" baǵdarlamasy boıynsha, 1300-den astam páter Turǵyn úı qurylys jınaq banki arqyly júzege asyrylady.

Qala ákimdiginiń negizgi mindetteriniń biri – adamdarǵa jaıly turmys ortasyn qurý. Osyǵan baılanysty Almatydaǵy eski turǵyn úı máselesine erekshe kóńil bólinýde. Búgingi tańda 81 eski úıdi buzý jáne 700-ge jýyq otbasyn jańa ári jaıly páterlermen qamtamasyz etý týraly kelisimge qol qoıyldy.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir