19 Aqpan, 2020 NEWS

Almatyda 47 myń jańa jumys orny qurylǵan

Foto: Almaty qalasy ákiminiń baspasóz qyzmeti

Almatydaǵy Halyk Arena sport kesheninde qala ákimi Baqytjan Saǵyntaevtyń eseptik kezdesýi ótýde. Kezdesý alǵash ret 3200 orynǵa eseptelgen kópsalaly ortalyqta ótýde, dep habarlaıdy ákimdiktiń baspasóz qyzmeti.

Kezdesý bastalǵanǵa deıin qala ákiminiń orynbasarlary, aýdan ákimderi, basqarma basshylary men qalalyq máslıhat depýtattary azamattardy qabyldady. Qabyldaý eseptik kezdesýden keıin de jalǵaspaq.

Almatynyń 2019 jylǵy áleýmettik-ekonomıkalyq damýynyń negizgi kórsetkishteri beınerolıkte kórsetildi.

2019 jyldyń 9 aıynda JAО́ 4,8%-ǵa ósti. О́tken jyly Almatyda 47 myńnan astam jumys orny quryldy. Quny 96 mlrd. teńge bolatyn jańa 88 bıznes nysany ashyldy.

О́nerkásip – 4,5%-ǵa, paıdalanýǵa berilgen turǵyn úı – 4,8%, qurylys – 3,4%, bólshek saýda – 12,1%-ǵa ósti.

500 shaqyrymnan astam ınjenerlik jeliler salyndy. 73 shaqyrym jol qurylysy aıaqtalyp, 47 shaqyrym sýarý aryqtary qaıta jóndeýden ótti. 300 myń turǵyndy qamtıtyn 670-ten astam aýla jóndeýden ótip, ekiden astamy engizildi. Qalany abattandyrýdy qamtamasyz etý maqsatynda 320-dan astam kósheni jaryqtandyrý, 287 shaqyrym sý jáne káriz, 150 shaqyrym elektr, 20 shaqyrym jylý jelisi jáne 130 shaqyrym gaz júrgizý boıynsha jumystar atqaryldy.

Jalpy 47 shaqyrym aryq jóndelip, 670-ten astam aýla salyndy. 2,1 mln sharshy metr turǵyn úı paıdalanýǵa berildi.

Ilmek sózder: Almaty ákim esebi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir