• USD 468.56

  • EUR 497.56

  • RUB 7.3

  • CNY 67.18

28 Naýryz, 19:38:06
Almaty
+35°

19 Aqpan, 2020 NEWS

Dımash Qudaıbergen: "Men ár konsertimde kórermen aldynda emtıhan tapsyrǵandaı bolamyn"

«Men ár konsertimde kórermen aldynda emtıhan tapsyrǵandaı bolamyn. Onda kórermendi aldaýǵa nemese shpor paıdalanýǵa bolmaıdy»

Foto: instagram.com

Bul týraly Dımash Qudaıbergen Máskeý qalasynda ótken baspasóz máslıhatynda aıtty dep habarlaıdy Qamshy.kz aqparat agenttigi dimashnews.com saıtyna silteme jasap. 

Shara  9 naýryz kúni Reseı astanasynda ótetin Dımashtyń konsertine oraı jýrnalıstermen beıresmı basqosý retinde uıymdastyryldy.

Kezdesýge ánshiniń ákesi Qanat Aıtbaev pen reseılik tanymal kompozıtor Igor Krýtoı qatysqan.

 Osy rette, ánshi Máskeýde ótetin konserttiń mán-jaıy týraly Dımashtyń ózi aıtyp berdi.

«Baǵdarlamany «Arnaý» dep atadyq. Biz basqa elderde, sonyń ishinde AQSh-ta birneshe konsert qoıdyq, qazir Máskeýde áserli kesh ótkizýge daıyndyq ústindemiz», - dedi ol.

"Máskeý" demekshi, baspasóz konferensııasynda Dımash óziniń «Evrovıdenıe» baıqaýyna Reseı Federasııasynyń atynan qatysatyny týraly qaýesetti joqqa shyǵardy:

«Men bul jarysty joǵary dárejeli dep sanaımyn, qurmetteımin. Biraq men oǵan qatysýymnyń qajeti joq dep oıladym. Eger osy elde týǵan bolsam, Reseıdiń atynan shyǵar edim. Men – Qazaqstannyń azamatymyn jáne óz Otanymnyń patrıotymyn, sondyqtan bul týraly áńgimeniń múlde negizi joq», – dedi qazaqstandyq ánshi.

Al Dımashqa únemi tilekshi bolyp, shyǵarmashylyq baılanys ornatqan ataqty kompozıtor Igor Krýtoı jýrnalıstermen bolǵan kezdesýdiń ózinde ánshiniń talantyna degen tańdanysyn jasyra almaǵan. 

"Dımashtyń erekshe daýysy, qaıtalanbas yrǵaǵy bar. Onyń mýzykany ózi arqyly ótkizýi óte mańyzdy. О́ıtkeni, ol keremet darynǵa ıe. Al men onyń saýatty jankúıerimin! Sebebi, qansha tyryssam da, oǵan uqsaı almaıtynyma anyq kózim jetedi. Onyń talanty bıik», - dedi I.Krýtoı.

 

Oqı otyryńyz: "Ol meniń Otanym – Qazaqstan": Dımash Qudaıbergen reseılikterdiń usynysyna jaýap berdi

 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir