Elde koronavırýstyq ınfeksııanyń aldyn alý sharalary kúsheıtilýde

2020 jyldyń 17 aqpanynda bas memlekettik sanıtarlyq dárigerdiń orynbasary koronavırýsqa qarsy jarlyqty bekitti. Iаǵnı, 20 aqpannan bastap ınfeksııanyń jańa túri tirkelgen elderden kelgen azamattardy 3 sanatqa bólip, qaı kategorııaǵa jatatynyn anyqtady. Bul týraly densaýlyq saqtaý mınıstrligi komıtetiniń baspasóz qyzmeti habarlady. 

1-shi sanat: Qytaıdan kelgen azamattar. Olardyń barlyǵyn aýrýhanaǵa jatqyzyp, 14 kún boıy karantınde ustaıdy. Keıin taǵy da olardy 10 kúndeı arnaıy medısınalyq uıym qadaǵalap, dárigerler uıaly telefon arqyly baılanysyp otyrady.

2 sanat: Koronavırýs ınfeksııasynyń 10-nan astam jaǵdaıy rastalǵan elderden kelgen azamattar. Búginde ınfeksııa belgileri Gonkong, Sıngapýr, Japonııa, Taıland, Ońtústik Koreıa, Malaızııa, Taıvan, Vetnam, Avstralııa, Germanııa, AQSh, Fransııa, Makao syndy elderde tirkelgen. Atap ótsek, osy elderden kelgen barlyq adamdar 14 kún boıy karantınde bolady. Olardyń densaýlyq jaǵdaıyn kúndelikti baqylaıdy.

3-sanat: Koronavırýsty juqtyrýdyń 10-nan kem jaǵdaıy tirkelgen elderden kelgen adamdar. Búgingi tańda bul Ulybrıtanııa, Birikken Arab Ámirlikteri, Kanada, Úndistan, Fılıppın, Italııa, Ispanııa, Fınlıandııa, Nepal, Kambodja, Shrı-Lanka, Shvesııa, Belgııa, Egıpet. 

Atalan elderden kelgen azamattar Qazaqstan shekarasynan ótken kúnnen bastap 24 kún boıy arnaıy klınıkalyq ortalyqtarda únemi baqylaýda bolady.