17 Aqpan, 2020 NEWS
Aqparat jáne kommýnıkasııalar mınıstri Dáýren Abaev
17 aqpan kúni Túrkistan oblystyq soty aqparat jáne qoǵamdyq damý mınıstri Dáýren Abaevtyń Qazyǵurt turǵyny Zúlfııa Tórebekovanyń ústinen túsirgen appelıasııalyq shaǵymyn qanaǵattandyrmady, dep habarlady oblystyq sottyń baspasóz qyzmeti.
2019 jyldyń jaz aıynda mınıstr Dáýren Abaev Zúlfııa Tórebekovanyń ústinen "jala japty" degen aıyppen sotqa shaǵym túsirgen. Alaıda aıyptalýshy óz tarapyna jaqqan kúıeni rastamaǵan.
Byltyrǵy jyldyń tamyz aıynda ótken Qazyǵurt aýdandyq sotynda Tórebekova "jala jabý" baby boıynsha aqtalyp shyqqan. Buǵan kelispegen Abaevtyń ókilderi qaıtadan appelıasııalyq shaǵym túsirgen. Oblystyq sot sheshimdi aýdandyq sottyń enshisine qaldyryp, Abaevtyń shaǵymyn qanaǵattandyrmady. Bul týraly oblystyq sottyń baspasóz qyzmeti málimdeme jasady.
Aıyptalýshynyń málimetinshe, byltyrǵy jyldyń qańtar aıynda óziniń facebook paraqshasyna "aqparat jáne qoǵamdyq damý mınıstri Dáýren Abaev korrýpsıoner!" dep jazǵan. Buny kórgen Abaev: ar-namysyma daq túsirdi, bedelime nuqsan keltirdi, dep Tórebekovany sotqa bergen.
Sot prosessteri mınıstrdiń qatysýynsyz ótken. Sonymen qatar Abaevtiń advokaty mınıstrdiń ruqsatynsyz oblystyq sotqa eshqandaı pikir bere almaıtynyn jetkizdi.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir