"Jeńil jolmen paıda tabamyn dep opyq jep qalmańyzdar"

Belgili, sarapshy "Alternatıva" ózekti zertteý ortalyǵynyń dırektory Andreı Chebotarev messendjer arqyly taraǵan jańa oıyn týraly halyqqa eskertý jasady. 

Oıyn «Qara kassa» dep atalady. Qatysý quny 14 300 teńge. Oıynnyń sharty boıynsha sońyńnan 2 adam kirgizip, adam sanyn kóbeıtý qajet. Sany kóp bolǵan saıyn, qatysýshylar pıramıda boıynsha kóterilip, sońynda 114 myń teńge ala alady. Osy tusta sarapshy halyqty jalǵan jarnamaǵa aldanbaýǵa, jeńil jolmen paıda tabamyn dep opyq jep qalmaýǵa shaqyrdy. 

Sarapshy Andreı Chebotarevtyń habarlaýynsha, bul oıyn qarjylyq pıramıda dep atalady.

– Bul qarapaıym "Ponsı" shemasy. Ol rasymen eń basynda kirgen ınvestorlarǵa tabys ákeledi. Qarapaıym tilmen aıtsaq, bul "MMM", "Keshberı" sııaqty qarjylyq pıramıda. Bul bastapqy kezeńde qatysqandar úshin ǵana tabys ákeledi. Oıynǵa jańadan qosylýshylar azaıǵanda, tabys ta bolmaıdy, – dep  jazdy telegram kanalynda.