Dúngender uıymynyń basshysy: "Muny istegen qazaqtar emes!"

Qazaqstan dúngenderi qaýymdastyǵynyń basshysy Qordaıda bolǵan oqıǵalar boıynsha málimdeme jasady, dep habarlaıdy Qamshy.kz aqparat agenttigi Hýseı Daýrovtyń Facebook paraqshasyndaǵy jazbasyn derek ete otyryp.

Ol óz málimdemesinde áýeli "Kinási joq beıbit adamdardy ne úshin óltirdi?", "Quqyqtyq memleket bolyp sanalatyn qazirgi Qazaqstanda ondaı múmkin be?", "Shynymen de, buny uly Abaı, Shoqan Ýálıhanov, Qoja Ahmet Iаssaýı, Abylaı han, Qasym han, Tóle bı men Qazybek bıdiń urpaqtary jasady ma?" degen syndy bir qydyrý suraqtarǵa jaýap izdeı kelip:

"Bul halyq kezinde Taıaý Shyǵys pen Kavkazdan deportasııalanǵan myńdaǵan etnosty baýyryna basqan. Joq!!! Muny istegen qazaqtar emes! Muny ksenofobııa men ultshyldyq urandaryna salynǵan qylmyskerler men qaraqshylar, ońaı oljaǵa kóz alartqan tonaýshylar, bizdegi ultaralyq kelisim men turaqtylyqtyń qarsylastary jasady. Olarǵa túrli-tústi tóńkerister tehnologııasymen sheteldiń emıssarlary basshylyq etti. Al qazaqtar bizdi qutqardy!" dep jazdy Daýrov.