17 Aqpan, 2020 Saıasat
Mınıstr: "15 balasy bar otbasy bireý ǵana"
Qazaqstanda 15 balany erjetkizin otyrǵan jalǵyz ǵana otbasy bar. Búginde bul baqytty shańyraq Soltústik Qazaqstan oblysynda turady. Endi olarǵa úkimet tarapynan 159 myń teńge járdemaqy tólenbek.
Foto: primeminister.kz
Vedımstvo basshysy Birjan Nurymbetovtyń aıtýynsha, endi jeti jáne odan da kóp otbasylarǵa da tabysyna qaramastan saralanǵan járdemaqy tólenbek.
Dálirek aıtqanda, segiz balasy bar otbasylar , 85 000, on balaǵa – 106 000, on bes balaǵa – 159 myń teńge járdemaqy qarastyrylǵan.
– Biz osy durys bolady dep sanaımyz. О́ıtkeni, 11-12 balasy bar ata-analar kelip, jeti bala úshin ǵana beriletin járdemaqy alyp otyrǵandaryn aıtty. Májilis tarapynan zań jobasy bar, Úkimet oǵan qorytyndy berdi, jaqyn arada Parlament qabyldaıdy. Sol zań jobasynyń ishinde bul normany 2020 jyldyń 1 qańtarynan bastap qabyldaýdy, ıaǵnı, qaıta esepteý júrip, segiz jáne odan da kóp balasy bar otbasylar 2020 jyldyń 1 qańtarynan bastap osy járdemaqyny ala bastaýyn aqyldastyq. Iаǵnı, qaıta esepteý bolady, – dedi mınıstr.
Sonymen birge, ol Qazaqstanda jeti baladan kóp balasy bar otbasylar sany shamamen 2500-ǵa jýyqtaıtynyn aıta kelip:
– Al, 15 balasy bar otbasy bireý ǵana, ol Qazaqstannyń soltústiginde turatyn otbasy, – dedi.
Oqı otyryńyz: "On bes balaǵa – 159 myń": Nurymbetov járdemaqy taǵy ósetini týraly aıtty
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir