Armenııa memleketi qazaqstandyqtarǵa mańyzdy málimdeme jasady

Armenııa memlekettik kiris komıteti bul elde kólik satyp alyp, osynda tirkeýge qoıǵan Qazaqstan azamattaryna salyq tóleý qajettigi týraly eskertti, dep habarlaıdy 24.kz.

Komıtet basshysynyń orynbasary Shýshan Nersısıanniń aıtýynsha, óz mindetin der kezinde oryndamaǵan tulǵalarǵa aıyppul salynady.

Jalpy ótken jyly Armenııaǵa shetelden 189 myń avtokólik ákelingen bolatyn. Olar úshin memleket qazynasyna 146 mıllıon dollar mólsherinde kedendik salyq tólendi.

Shýshan Nersısıan qazaqstandyqtar satyp alǵan kólikterge qatysty barlyq aqparat Nur-Sultandaǵy áriptesterine tabys etkenin habarlady.

– Múlik salyǵyn tóleý úshin onlaın-platformasyn qurý bastamasy bar. Degenmen, bul joba júzege aspasa nemese keıin iske qosylsa da múlik salyǵyn tóleý mindeti saqtalady. Armenııaǵa kóligin tirkeýden alyp tastaýǵa kelgen azamattar boryshyn ótemeı muny isteı almaıdy. Eger bıyl salyq tólemese, kelesi jyly olarǵa aıyppul salynady, – dedi  Shýshan Nersısıan.