• USD 468.56

  • EUR 497.56

  • RUB 7.3

  • CNY 67.18

29 Naýryz, 13:43:48
Almaty
+35°

17 Aqpan, 2020 NEWS

"On bes balaǵa – 159 myń": Nurymbetov járdemaqy taǵy ósetini týraly aıtty

Qazirge deıin 8 balaǵa deıin bala sanyna oraı ár deńgeıde qarastyrylǵan ataýly áleýmettik kómek ary qaraı da saralanbaq. Dálirek aıtqanda, 7 baladan soń birdeı tártippen berilip kelgen járdemaqy kólemi de endi ósedi.

Foto: strategy2050.kz

Bul týraly QR Eńbek jáne halyqty áleýmettik qorǵaý mınıstrliginiń keńeıtilgen alqa otyrysynda vedomstvo basshysy Birjan Nurymbetov aıtty.

Osy rette, mınıstr 15 balaǵa deıin járdemaqy kóleminiń eseptelip qoıǵanyn málimdedi. 

– Kópbalaly otbasylarǵa tabystaryna qaramastan, balalar sanyna qaraı saralanǵan mólsherde 42 500-den 74 400 teńgege deıin tólenetin járdemaqy engizildi. Bul járdemaqy qazirdiń ózinde shamamen 370 myń otbasyna tólendi. 2020 jylǵa osy maqsattarǵa bıýdjette 177,6 mlrd teńge qarastyrylǵan. Qazirgi ýaqytta baıqasańyzdar jeti baladan ary qaraı birkelki mólsherde. Sondyqtan, biz osy máseleni qarastyryp, segizinshi jáne odan keıingi balalarǵa da járdemaqyny saralanǵan túrde tóleý máselesin qarastyryp jatyrmyz. Sonda segiz balaǵa 74 000 emes, 85 000, on balaǵa – 106 000, on bes balaǵa – 159 myń teńgeden tólenetin bolady, – dedi Birjan Nurymbetov.

Mınıstrdiń aıtýynsha, 2020 jyldan bastap AÁK-pen qamtamasyz etýdiń jańa tásilderi engizilgen. Ol bul tásilderdiń ashyq, ádil ekendigin jáne eńbekke yntalandyrýdy kózdeıtinin de jetkizdi. 

Aıtalyq, jańa tásilderge sáıkes, AÁK toqsan saıyn taǵaıyndalady. Eger eńbekke qabiletti áleýmettik kómek alýshylar jumysqa ornalasýǵa járdemdesý sharalarynan bas tartsa, onda AÁK kórsetý búkil otbasyna toqtatylady degen sóz. 

Eske sala keteıik, 2019 jyldyń qorytyndysy boıynsha 486 myń otbasyna AÁK taǵaıyndalǵan. Iаǵnı, 2,4 mıllıonǵa jýyq adam bul kómekten ıgiliktengen bolatyn.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir