turkistan.kz
Dıas Batyrbekuly atty facebook qoldanýshysy óz paraqshasyna sheteldegi oppozısıoner Muhtar Áblázovpen áleýmettik jelide bolǵan áńgimeniń skrınshottaryn jarııalandy.
Áńgime barysynda Muhtar Áblázov eks-prezıdent Nursultan Nazarbaevtyń jıeni Aısultan Rahatqa osyndaı mátinde post jarııala dep jazbaq bolǵanyn, ol mátinniń abaısyzda óziniń akkaýntynda jarııalanyp ketkenin túsindirgen.
Buǵan deıin áleýmettik jelide Aısultan Rahattyń daýly jazbalarynyń artynda Muhtar Áblázov turǵan bolýy múmkin degen aqparat tarady.
Oǵan Áblázovtyń paraqshasynda jarııalanyp, uzamaı óshirilgen jazba túrtki bolǵan. Ol jazbada "Men, Aısultan Nazarbaev. Paraqshamda jarııalanǵan jazbalardy ózim jazdym. Bul óz qalaýym, oǵan eshkim yqpal etpedi. Bul meniń akkaýndym, meniń oıym, meniń talaptarym" delingen.
Bul jazbanyń qalaı jarııalanyp ketkenin sheteldegi oppozısıoner bylaı dep túsindirgen:
"Men post jazyp bastaǵanmyn. Barlyq suraqtarǵa jaýap bolýy úshin osyndaı málimdeme jasaýyn jarııaly túrde aıtpaq boldym. Alaıda jazǵandarymnyń jobasy efırge shyǵyp ketkenin baıqamadym. Men mátin jazarda qulypty qoımaǵan ekenmin" delingen Muhtar Áblázovtyń jaýabynda.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir