inbusiness.kz
Jambyl oblysynyń ákimi Berdibek Saparbaev Qordaı aýdanyna jumys sapary barysynda quqyq qorǵaý organdary basshylarynyń qatysýymen tótenshe jaǵdaılardy joıý jónindegi aımaqtyq shtab otyrysyn ótkizdi. Bul týraly oblys ákiminiń baspasóz qyzmeti habarlaıdy.
Oblystyq shtabtyń málimetinshe, Qordaı janjalyna 185 azamat jaraqat alǵan, onyń 34-i aýrýhanaǵa jatqyzyldy. Sondaı-aq 39 turǵyn úı, 20 saýda nysany jáne 47 avtokólik órtengen.
– 7-13 aqpan aralyǵynda 23 131 adam Qordaı, Qarasý, Aýhatta, Sortóbe ótkizý pýnktteri arqyly Qyrǵyz Respýblıkasyna ketti, 21 261 adam kirdi, – dep habarlady ákimdik.
Qazirgi tańda aýyldardy tazartý jumystaryna 250 adam men 53 tehnıka jumyldyryldy, 680 tonna qurylys qaldyqtary shyǵaryldy. Sonymen qatar 55 dúken, 3 dárihana, 14 janarmaı quıý stansııasy jáne basqa da 30 saýda nysany bar.
Joǵalǵan qujattardy qalpyna keltirý úshin Sortoba aýyldyq okrýgi ákimdiginiń ǵımaratynda ornalasqan jyljymaly halyqqa qyzmet kórsetý ortalyǵy quryldy. 54 týý týraly kýálik, 48 jeke kýálik, balalarǵa arnalǵan 1193 kýálik, 15 jyljymaıtyn múlik qujaty, 8 neke kýáligi, 1 tólqujat berildi. Al, zardap shekken 778 otbasyna azyq-túlik jáne qajetti taýarlar túrinde 57,2 tonna kóleminde gýmanıtarlyq kómek kórsetildi.
Kezdesý nátıjesinde oblys ákimi Berdibek Saparbaev turǵyndardyń qaýipsizdigin qamtamasyz etý, búlingen nysandardy, múlikterdi, qujattardy qalpyna keltirý jáne eldi mekenderdegi qalypty ómirdi qalpyna keltirý jóninde birqatar tapsyrmalar berdi.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir