marksadm.ru
Oblystyń Munaıly aýdanynda bútin bir otbasy gazdan ýlanyp, úsh bala men anasy dárigerler kelip jetkenshe qaıtys boldy. Gaz qyzmetiniń mamandary aqaýdyń úıdegi jylý qazandyǵynyń murjasynan shyqqanyn anyqtaǵan. Bul týraly KTK arnasy habarlady.
Qaıǵyly jaǵdaı Batyr aýylynda bolǵan. Oqýshylar sabaqqa kelmeı, ata-anasy baılanysqa shyqpaǵan soń, mektep muǵalimi olardy úıine izdep keledi. Biraq eshkim esik ashpapty. Mektep basshylyǵy kópbalaly otbasyna olardyń týysqany bolyp keletin dene tárbıesi muǵalimin jiberedi. Esikti aıaǵyn áreń basqan er bala ashypty. Úıge kirgen jigit sumdyq jaǵdaıdyń ústinen túsken.
– Olar demalys kúni habar berdi. Otbasymyzben tumaýratyp jatyrmyz, úsh kúnnen keıin anyqtama qaǵaz alyp kelemiz dedi. Biz kúttik. Telefon soqtyq. Telefon kótermegennen keıin bardyq. Eki kún sabaqqa kelmegen balany biz izdeımiz. Bizdiń taraptan jasalatyn jumystardyń bári jasaldy,– deıdi Munaıly aýdanynyń №10 orta mektebiniń dırektory Quralaı Nurmanova.
Aýrýhanaǵa jetkizilgen 43 jastaǵy ákesi men 8 jasar ulynyń jaǵdaıy aýyr. Degenmen úmit bar deıdi dárigerler.
– Qazir 1977 jyly týǵan azamat, úıiniń otaǵasy jan saqtaý bóliminde jatyr. Onyń jaǵdaıy aýyr. Dárigerler onyń ómirin aman alyp qalýǵa bar kúshin salyp jatyr. Al onyń balasynyń jaǵdaıy turaqty aýyr. Eń bastysy, ol esin joǵaltqan joq, – deıdi oblystyń densaýlyq saqtaý basqarmasynyń baspasóz hatshysy Nurbol Oqýov.
Qate tapsańyz, qajetti bólikti tańdap ctrl+enter basyńyz.
Usynylǵandar
Pikir qaldyrý
pikir