mail.kz
Qazaqstanda koronavırýsqa qarsy vaksına ázirleý qanshalyqty múmkin, jáne oǵan úkimettiń qaýqary jeteme degen suraqqa elordada ótken baspasóz máslıhatynda densaýlyq saqtaý mınıstri Eljan Birtanov jaýap berdi.
– Qazaqstan úkimeti úshin negizgi maqsat – ınfeksııanyń kirmeýi jáne taralmaýy bolyp otyr. Sondyqtan, negizgi qarajat halyq pen medısınalyq qyzmetkerlerdi, shekarashylardy qorǵaýǵa baǵyttalǵan. Odan bólek, koronavırýs kúdigi bar pasıentterdiń barlyǵyn jetkilikti túrde tekserip, dárilik zattar qoryn jasaý úshin dıagnostıkalyq tehnologııalarǵa mán berilgen, – dedi Birtanov.
Bilim jáne ǵylym mınıstrligi men mınıstrge baǵynyshty ǵylymı ortalyqtar koronavırýsqa qarsy vaksınany ázirleýge daıyn ekenderin habarlaǵan.
Onyń aıtýynsha, elde vaksına jasaý boıynsha jaqsy tájirıbe bar. Alaıda, munyń qıyn tehnologııalyq prosess ekenin de túsiný qajet jáne barlyq halyqaralyq ǵylymı ortalyqtarmen úılestirý jumystaryn júrgizý kerek. Qazir vaksına jasaý boıynsha ózge elderdiń ǵalymdarymen birlesip jumys isteý múmkindigin qarastyryp jatyrmyz, – dedi ol.
Sondaı-aq ol eger de vakınany shyqsa, halyqqa qoljetimdi baǵada bolýy kerektigin málim etti.
Qate tapsańyz, qajetti bólikti tańdap ctrl+enter basyńyz.
Usynylǵandar
Pikir qaldyrý
pikir