yandex.kz
"Qazatomónerkásip" kompanııasynyń burynǵy jetekshisi Muhtar Jákishevtiń densaýlyǵyna baılanysty túrmeden merziminen buryn bosatýǵa ótinish jasady. Oǵan katarakta (kóz aýrýy) dıagnozy qoıylǵan. Quqyq qorǵaýshy Baqytjan Tóreǵojın onyń densaýlyǵy kúnnen-kúnge nasharlap bara jatqanyn habarlady.
– Ol tek katarakta ǵana emes, óte kóp aýrýǵa shaldyqqan. Biraq Muhtar óziniń densaýlyq máselesi qoǵamda talqylanǵanyn qalamaıdy. Byltyrǵy saraptamalardyń qorytyndysy boıynsha onyń qan qysymy joǵary, aıaǵynda úlken isikteri bolǵan. 40-tan astam dári ishedi, – dedi quqyq qorǵaýshysy.
Tóreǵojınnyń aıtýynsha, arnaıy medısınalyq jabdyqtary joq kolonııa men qaladaǵy aýrýhanalar aýrýy asqynǵan Jákishevke tipti durys dıagnoz qoıa almaı tur. Byltyr jyl sońynda Jákishevti sanıtarlyq kolonııaǵa emdeýge jibergen, biraq nátıje bolmaǵanyn atap aıtty.
– Ony byltyr Semeıdegi aýrýhanaǵa aparǵan. Biraq Semeı kishigirim qala bolǵandyqtan, durys emdeı almaıtynyn aıtty. Oǵan kómekke tek dári taǵaıyndaıdy, – deıdi Baqytjan Tóreǵojına.
Al Semeı qalasyndaǵy OV-156/14 qatań rejımdegi kolonııanyń arnaıy bóliminiń jetekshisi Indıra Dýmanbekqyzy Muhtar Jákishevke qajetti medısınalyq kómek kórsetilip jatqanyn aıtyp ótti.
– Jaǵdaıy turaqty, medısınalyq kómek kórsetilip jatyr, – dedi ol.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir