ashyq derekkóz
Qazaqstan Respýblıkasy Mádenıet jáne sport mınıstrliginiń uıymdastyrýymen 14 aqpanda elordadaǵy «Marden» Bıznes-ortalyǵynda prezıdent Qasym-Jomart Toqaevtyń qazaq tili álipbıin jetildirý jónindegi tapsyrmasy boıynsha ashyq talqylaý sharasy ótedi.
Sharanyń maqsaty – orfografııalyq jumys toby ázirlegen álipbıdiń jetildirilgen nusqalary men ózge de usynylǵan álipbı jobalaryn talqylaý.
Respýblıkalyq kólemde barlyq óńirlerde ótetin ashyq talqylaý jergilikti Til basqarmalary arqyly uıymdastyrylyp, oǵan fılolog ǵalymdar men ádiskerler, joǵary jáne orta bilim beretin oqý oryndarynyń til mamandary qatysady.
Talqylaý barysynda usynylǵan qorytyndylar men usynys, pikirler QR Mádenıet jáne sport mınıstrligi Til saıasaty komıtetinde jınaqtalyp, oǵan monıtorıng júrgiziledi.
Monıtorıng qorytyndylary Ulttyq komıssııa janyndaǵy Orfografııalyq, Termınologııalyq, Ádistemelik, Saraptama jáne Tehnıkalyq súıemeldeý toptarynyń birlesken keńesine usynylyp, talqylanady.
Jumys tobynyń ǵalymdary usynylǵan álipbı jobalaryn talqylap, ǵylymı negizdememen qorytyndy shyǵaratyn bolady.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir