200 myń teńge alyp, 4,5 mıllıon aıyppul tóleıdi

Soltústik Qazaqstan oblysy ákimdiginiń "jolaýshy kóligi jáne avtomobıl joldary bólimi" KMM-niń basshysy para aldy degen kúdikpen aıyptaldy, dep habarlaıdy sybaılas jemqorlyqqa qarsy qyzmettiń baspasóz hatshysy.

"Soltústik Qazaqstan oblysy Aqjar aýdanynyń joldaryn jóndeý jáne qyzmet kórsetý boıynsha memlekettik satyp alý konkýrsynda jeńiske jetkeni úshin JShS dırektorynan 200 myń teńge kóleminde para aldy dep kúdikke alyndy. 2020 jylǵy 12 aqpanda Petropavl qalasynyń soty Tasbolatovty memlekettik qyzmette laýazymdy qyzmeti quqyǵynan ómir boıyna aıyryp, 4 mıllıon 500 myń teńge aıyppul saldy" delingen sybaılas jemqorlyqqa qarsy kúres qyzmeti taratqan málimdemede.