Masanchıde órtengen ǵımaratty tazartý kezinde máıit tabyldy

Turǵyndar arasynda janjal bolǵan Jambyl oblysy Qordaı aýdany Masanchı aýylyndaǵy órtengen saýda ǵımaratyn tazartý kezinde kúıgen adamnyń denesi tabyldy. Bul týraly Jambyl oblysy ákimniń keńesshisi Qanat Qulshymanov  Facebook paraqshasynda jazdy.

Onyń jazýynsha, kúıgen adam denesi 11 aqpanda tabylǵan. Qazir máıittiń jeke basyn anyqtaý úshin sot-medısınalyq saraptama taǵaıyndaldy. Jedel izdestirý sharasy júrgizilip jatyr.

Aqpannyń jetisinen segizine qaraǵan túni Jambyl oblysy Qordaı aýdanyndaǵy birneshe aýylda etnıkalyq qazaqtar men dúngender arasynda janjal bolyp, resmı derek boıynsha, 10 adam qaıtys bolǵan. 40-tan astam adam jaralanǵan. Janjal kezinde 19 polıseıdiń zardap shekken. Masanchı, Sortóbe, Aýqatty, Bular batyr aýyldarynda, resmı málimet boıynsha, 15 ǵımarat pen 30-dan astam úı búlinip, 23 kólik órtendi. 

Janjaldyń naqty neden bastalǵyn áli belgisiz. Al jergilikti turǵyndar 5 aqpanda etnıkalyq dúngeder men etnıkalyq qazaqtar jolǵa talasyp, dúngender 78 jastaǵy qazaq qarııa men onyń eki ulyn soqqyǵa jyqqannan keıin jáne etnıkalyq dúngender 7 aqpanda polısııa qyzmetkerlerine kúsh kórsetken soń qazaqtar men dúngender arasynda jappaı tóbeles bastalǵanyn aıtady. 

Qazaqstan bıligi bul oqıǵany "turmystyq janjal" dep sıpattap, janjalǵa baılanysty 25 qylmystyq is qozǵalǵanyn málimdedi. Biraq qansha adam ustalǵanyn ashyp aıtpaı otyr.