• USD 468.56

  • EUR 497.56

  • RUB 7.3

  • CNY 67.18

29 Naýryz, 14:51:37
Almaty
+35°

12 Aqpan, 2020 NEWS

Toqaev: Otanǵa degen mahabbat – qur uran men bos deklarasııa emes

"Eriktilik – halqymyzdyń shynaıy bolmysy, salt-dástúri. Sondyqtan, bárimiz mindetti túrde bul dástúrdi saqtap qalýymyz kerek"

Foto: inbusiness.kz

Bul týraly Prezıdent Qasym-Jomart Toqaev elordadaǵy «Birgemiz» respýblıkalyq front-keńsesiniń ashylý saltanatynda aıtty dep habarlaıdy Qamshy.kz aqparat agenttigi QazAqparat deregin negizge alyp. 

Kezdesýde Memleket basshysy áýeli eriktiliktiń basty maqsatyn atap ótti.

«Volonterler qozǵalysy azamattyq qoǵamdy odan ary damytýǵa múmkindik beredi. Volonterlik degenimiz – bir jeńnen qol, bir jaǵadan bas shyǵaryp áreket etý. Eriktilik – halqymyzdyń shynaıy bolmysy, salt-dástúri. Sondyqtan, bárimiz mindetti túrde bul dástúrdi saqtap qalýymyz kerek. Bul bastama – ultty uıystyryp, memleketti nyǵaıtý úshin qajet», – dedi Prezıdent. 

Sonymen birge, ol Otanǵa degen mahabbat – qur uran men bos deklarasııa emes ekenin de aıtty:

«Sondyqtan biz volonterlikti keńinen dáripteýimiz kerek. Bereke-birligimizdi arttyratyn sharalarǵa tutas ult bolyp, atsalysýymyz qajet. Osynda otyrǵan volonterlerdiń barlyǵy – sizder elimizdiń patrıotysyzdar. Otanǵa degen mahabbat – qur uran men bos deklarasııa emes, bul –halyq úshin atqarylatyn kún saıynǵy eńbegimiz. Bul – jannyń jaı-kúıi, aýqymdy bilim men ózin ustaýdyń úlgili mádenıeti. Men sizderdi osy úshin qatty qurmetteımin», - dedi ol.

Atap óteıik, búgin Prezıdent Qasym-Jomart Toqaev EKSPO kórmesiniń «Art Hub» pavılonynda ornalasqan volonterlerdiń «Birgemiz» respýblıkalyq front-keńsesiniń ashylý saltanatyna qatysýda. Shara barysynda  «QQQAZVOLUNTEER.KZ» onlaın-platformasynyń qyzmeti jáne volonterliktiń «Bilim», «Qamqor», «Úmit», «Sabaqtastyq», «Taza Álem» jáne «Saulyq» atty 7 salalyq baǵyt boıynsha alańdar tanystyrylady dep josparlanǵan.



"Qamshy" silteıdi
Ilmek sózder: Toqaev Volonter

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir