• USD 389.52
  • EUR 429.21
  • RUB 6.07
  • CNY 54.94
18 Aqpan, 17:09:56
Shyńjańdyq dúngen: Dereý qazaqtardan keshirim surańdar! (aýdıo)

11 Aqpan, 2020 NEWS

"Dúngen baýyrlar, otanǵa oralyńyzdar". Qazaqstandyq ınternasıonalıst dúngenderdi Qazaqstanǵa qaıtýǵa shaqyrdy

myrotvorets

Dúngen qaýymdastyǵy tóraǵasy Hýseı Daýrovtyń facebook paraqshasynda bólisken vıdeosy jelide qyzý talqylanýda. Daýrov bólisken vıdeoda qazaqstandyq ınternasıonalıster qoǵamynyń tóraǵasy Baqytjan Kópbaev Qordaıdaǵy turmystyq janjaldan keıin shekara asyp ketken dúngenderdiń elge oralýyn ótinip, "otanymyz bir ǵana – Qazaqstan, bizdi tastap ketpeńizder" dedi.

– Osydan birneshe kún buryn Jambyl oblysy Qordaı aýdany Masanshy aýylyndaǵy  bolǵan ultarazdyq janjaldan dúngen azamattarynyń 8-i kóz jumdy. Al qalǵan 4000-ǵa jýyq dúngen azamaty shekara asyp qashyp ketken bolatyn. Árıne, olar buǵan májbúr boldy. Qazaqstandyqtardyń tarapynan bolǵan zorlyq-zombylyq, májbúrleý, turǵyn úılerin órteý olarǵa óte kúrdeli másele boldy. О́zderiniń tynyshtyǵy, qaýipsizdigi úshin shekara asyp kórshiles jatqan Qyrǵyzstanǵa qashyp ketken. Biz olardy alyp qalýdy uıymdastyra almadyq, – dep Kópbaev óz ókinishin jetkizdi. 

– Sonymen qatar bul bolǵan oqıǵany vandalızmge teńeımin. Bul erte ǵasyrdaǵy bolǵan aıaýsyzdyq, jabaıylyqtyń jalǵasy dersiń. Adamdardy janýarsha qyryp-joıǵan qatigezdik. Sebebi nede ekeni mańyzdy emes, eń bastysy adamdardyń jaýyzdyqqa qumar bolyp ketkeni anyq. Bireýdiń ómirine bireý óz erkimen qol suǵa beretin zaman boldy. Kóp adamdar kókiregin kerip turyp, "men ultjandymyn, ultym úshin bárin isteı alamyn" deıdi. О́kinishke qaraı bunyń bári bos sóz, – dedi ol.

– Sizder meni bilesizder, byltyrǵy jyly armııandar úshin jumys istegenmin. Al bıyl áńgime dúngender jaıynda bolmaq. Dúngen baýyrlar, biz qandaspyz. Sizderden ótinerim, ketpeńizder, otanǵa oralyńyzdar. Biz sizderdi óz qaramaǵymyzǵa alýǵa árqashan daıynbyz. Qazaqstan – bizdiń ortaq otanymyz, – deıdi Kópbaev. 

– Iá, adam sengisiz shytyrman oqıǵanyń oryn alǵany jalǵan aqparat emes. Biraq bul joly bılik te, shyndyq ta sizderdiń tarapta. Bolary bolyp qoıdy, endigi is-áreket bul oqıǵanyń qaıtalanbaýyn aldyn alýǵa arnalýy tıis. Ultaralyq qaqtyǵys burynǵy zamannan ýshyǵyp turǵan janjal edi. Bul joly óz shegine jetti. Osylaı bolaryn bárimiz bilgen edik,  – deıdi ol. 

 

Ilmek sózder: Qordaıdaǵy qaqtyǵys

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir