Almatyda osydan 14 jyl buryn janyndaǵy eki serigimen birge qastandyqpen óltirilgen oppozısııa qaıratkeri Altynbek Sársenbaıulyn eske aldy. "Astana" qonaq úıinde ótken sharaǵa saıasatkerler, azamattyq belsendiler, quqyq qorǵaýshylar men jazýshylar qatysyp, marqum týraly estelik aıtty. Bul týraly azattyq habarlaıdy. 

Altynbek Sársenbaıulynyń aǵasy jýrnalıst Rysbek Sársenbaı sharada oqyǵan "Arnaýly baıandama" atty úndeýinde baýyrynyń qazasyna baılanysty eldiń eks-prezıdenti Nursultan Nazarbaev pen onyń úlken qyzy, qazir parlament senatynyń spıkeri Darıǵa Nazarbaevadan jaýap alýǵa shaqyrdy.

"Qazanyń qupııasy áli tolyq ashylmady. Tapsyrys berýshiniń aty-jóni naqty atalmady. Negizgi kúdiktiler tasada qalyp qoıdy. Nazarbaev kúıeý balasy [Rahat] Álıevti der kezinde jaýapqa tartqan joq" dedi ol.

– Aǵamnyń qazasyna baılanysty kúdikti retinde eks-prezıdent pen onyń qyzynan jaýap alýdy talap etemin. Sondaı-aq "Elbasy týraly zań" joıylsyn. Prezıdent Qasym-Jomart Toqaev osy talabymyzdy oryndasyn, – dedi aǵasy Rysbek Sársenbaıuly. Ol ulttyq qaýipsizdik komıtetiniń burynǵy tóraǵasy, qazir shetelde turatyn Álnur Musaev ta jaýapqa tartylýy kerek dep sanaıdy.

Oppozısııa jetekshisi Altynbek Sársenbaıuly men onyń eki kómekshisi Vasılıı Jýravlev pen Baýyrjan Baıbosyndy 2006 jyly 11 aqpanda Almatyda urlap áketken. Qarýdan atyp óltirilgen úsheýiniń súıegi eki kúnnen keıin Almaty irgesindegi taý bókterinen tabylǵan bolatyn.

Ilmek sózder: Darıǵa Nazarbaeva

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir