• USD 389.52
  • EUR 429.21
  • RUB 6.07
  • CNY 54.94
25 Aqpan, 18:55:14
Shyńjańdyq dúngen: Dereý qazaqtardan keshirim surańdar! (aýdıo)

11 Aqpan, 2020 Barlyq aımaqtar

Qordaıdaǵy qaqtyǵys kezinde keltirilgen shyǵyn kólemi anyqtaldy

zakon.kz

Jambyl oblysy Qordaı aýdanynda bolǵan oqıǵa saldarynan shamamen 1 mıllıard 7 mıllıon teńge shyǵyn kelgen. Sarapshy mamandar úsh kún boıy múlikterdi sanap, zerttep, zerdelep osyndaı qorytyndy shyǵardy. Endi bul materıaldyq shyǵyn zańǵa sáıkes shetinen tólenedi, dep 24.kz habarlaıdy. 

Mamandar turǵyndardy Sortóbe aýyly ákimdiginiń ǵımaratynda qabyldaıdy. Qabyldaıtyn oryn tańǵy saǵat 9-dan keshki 19:00-ge deıin úzilissiz jumys isteıdi.

Qazir qoldarynda múlik ıesi ekenin rastaıtyn qujaty joq adamdar bar. Olardyń aıtýlarynsha, kópshiligi qujattaryn janjal kezinde joǵaltqan. Turǵyndardyń qujattary talapqa saı bolmasa ótemaqy tolyq berilmeıdi.

Qazir tótenshe jaǵdaı kezinde zardap shekken azamattarmen jumys jasaý maqsatynda arnaıy toptar qurylǵan. Jurtqa yńǵaıly, ári qoljetimdi bolý úshin Masanshy, Sortóbe, Bular batyr eldi mekenderinde jyljymaly halyqqa qyzmet kórsetý ortalyǵy jumys istep tur. Mamandar jurttyń ótinishin tirkep, osy jerde qabyldaıdy. Búgingi kúnge deıin 22 azamatqa jeke kýálik, 18 balaǵa týý týraly kýálikter berilgen.

Ilmek sózder: Qordaıdaǵy qaqtyǵys

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir