• USD 389.52
  • EUR 429.21
  • RUB 6.07
  • CNY 54.94
18 Aqpan, 17:10:43
Shyńjańdyq dúngen: Dereý qazaqtardan keshirim surańdar! (aýdıo)

11 Aqpan, 2020 NEWS

Saparbaev: Qordaıdaǵy qaqtyǵystan polısııa qyzmetkerleri zardap shekti

newsroom.kz

Jambyl oblysy Qordaı aýdanynda bolǵan etnıkalyq janjal kezinde 19 polısııa qyzmetkeri zardap shekti. Bul týraly úkimet otyrysynda oblys ákimi Berdibek Saparbaev habarlady. 

– Bes kúnniń ishinde dárigerdiń kómegine 178 adam júgingen, sonyń 19-y – quqyq qorǵaý qyzmetkerleri. On adam qaza tapty. Qazirgi kezde Qordaı aýdandyq aýrýhanasynda 13 adam emdelip jatyr, al 20 adam Almatynynyń birqatar aýrýhanalaryna jatqyzylǵan. Qurban bolǵandardyń barlyǵynyń otbasyna járdem kórsetilip jatyr, –  dedi Saparbaev.

Ákimniń aıtýynsha, Qyrǵyzstan aýrýhanasyndaǵy adamdar Almaty men Tarazǵa jetkizilgen. Saparbaev qazirgi tańda ol jaqta adam qalmaǵanyn rastady. 

Úkimet otyrysynan keıin ákim birqatar suraqtarǵa jaýap berdi. Iаǵnı, qazirgi ýaqytta janjal saldarynan kelgen shyǵyn anyqtalyp jatqanyn, onyń esebi shyqqan soń zııan shekkenderde ótemaqy tóleý týraly úkimetke usynys engiziletinin málimdedi. Sondaı-aq ol bul oqıǵany "ultaralyq qaqtyǵys" degen sıpattaýmen kelispeıtinin aıtty.

– Bul jerde ultaralyq másele joq, bul turmystyq daýdan týyndady, jaqyn arada naqty bir sheshim shyǵaryp, tıisti shara qoldanamyz, –  dedi ákim.

 

Ilmek sózder: Qordaıdaǵy qaqtyǵys

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir