Eýropa chempıonatynyń júldegeri Nur-Múbarak ýnıversıtetine keldi

Búgin djıý-djıtsýdan Eýropa chempıonatynyń júldegeri Áset Qydyrbaev Nur-Múbarak Egıpet ıslam mádenıeti ýnıversıtetine kelip, prorektor, ıslamtaný ǵylymy boıynsha PhD doktor, dosent Qaırat Qurmanbaevpen kezdesti.

Áset Qydyrbaev Portýgalııa memleketiniń Lıssabon kalasynda djıý-djıtsý sheberleri (IBJJF) arasynda álemniń 100 elinen 5000-ǵa jýyq qatysýshy arasynda ótken Eýropa ashyq chempıonatynda 82,3 keli salmaq dárejesinde qola júldege ıe boldy.

Qazaqstandyq sportshy Gollandııa, Brazılııa, Polsha, Anglııa sporshylarymen kúsh synasqan. Sportshynyń jattyqtyrýshysy – Marat Kýtjanov.

Áset Bektursynuly Nur-Múbarak ýnıversıtetindegi «Islamtaný» fakýltetiniń 2013 jylǵy túlegi. «Ustazyn ulyqtaı bilmegen adamnyń qolynan eshýaqytta ulylyq kelmeıdi» degen sózdi jadynda saqtaǵan jeńimpaz prorektormen kezdesý barysynda ustazdaryna rahmetin aıtyp, aq batasyn aldy.

Ýnıversıtettiń  prorektory Q.Qurmanbaev shákirtin jeńisimen quttyqtaı kele, «Sáýir aıynyń basynda BAÁ-de ótetin álem chempıonatynda "baǵyń ben babyń kelisti bolyp, jeńis tuǵyrynan kóreıik",  dep izgi nıeti men aq tilegin bildirdi.

Nur-Múbarak Egıpet ıslam mádenıeti

ýnıversıtetiniń baspasóz qyzmeti