• USD 389.52
  • EUR 429.21
  • RUB 6.07
  • CNY 54.94
18 Aqpan, 17:09:20
Shyńjańdyq dúngen: Dereý qazaqtardan keshirim surańdar! (aýdıo)

10 Aqpan, 2020 NEWS

Saparbaev Jambyl oblysyna ákim bolyp taǵaıyndaldy

Foto: enbek.gov.kz

Bul týraly Aqorda saıty habarlady.
 
"Berdibek Mashbekuly Saparbaev Jambyl oblysynyń ákimi bolyp taǵaıyndalsyn, ol Qazaqstan Respýblıkasy Premer-Mınıstriniń orynbasary qyzmetinen bosatylsyn" delingen prezıdent jarlyǵynda.
 
Berdibek Saparbaev 1953 jylǵy 9 aqpanda Qyzylorda oblysynyń Jańaqorǵan aýdanynyń Besaryq aýylynda dúnıege kelgen.

Eńbek jolyn 1969 jyly Zadarınskıı sovhozynyń jumysshysy retinde bastady. 

1977 jyly Almaty Halyq sharýashylyǵy ınstıtýtyn ekonomıst mamandyǵy boıynsha bitirdi. Instıtýtty bitirisimen Respýblıkalyq memlekettik eńbek jınaqtaý kassalary basqarmasynda ekonomıst bolyp eńbek etti.

1977–1988 jyldar aralyǵynda – QazSRO Qarjy mınıstrliginde ekonomıst, aǵa ekonomıst, jetekshi, bas ekonomıst, bólim bastyǵynyń orynbasary qyzmetterin atqarǵan.

1988–1994 jyldary – josparlaý-qarjy basqarmasynyń bastyǵy, Bas ekonomıka basqarmasynyń bastyǵy, QR bilim mınıstriniń orynbasary.

Bir jylǵa jýyq ýaqyt Prezıdent Apparaty bólimi men QR Mınıstrleri kabıneti meńgerýshisiniń orynbasary qyzmetin atqarǵan.

1994–1995 jyldary – QR Mınıstrleri kabınetiniń Ister basqarmasynyń qarjy, eńbek jáne áleýmettik qorǵaý bólimi meńgerýshisiniń orynbasary jáne meńgerýshisi boldy.

1995 jylǵy naýryz–qyrkúıek aralyǵy – QR Mınıstrleri kabıneti Apparatynyń basshysy.

1995 jylǵy qyrkúıekte Qyzylorda oblysynyń ákimi bolyp taǵaıyndaldy.

1999 jylǵy shilde men 2002 jylǵy tamyz – Ońtústik-Qazaqstan oblysynyń ákimi.

Qazaqstan Respýblıkasy Kedendik baqylaý agenttiginiń tóraǵasy, Qazaqstan Respýblıkasy Qarjy mınıstrliginiń vıse-Mınıstri – Kedendik baqylaý komıtetiniń tóraǵasy.

2006–2007 jyldar aralyǵynda – Premer-Mınıstr Keńsesi Basshysynyń orynbasary – QR Parlamentindegi Úkimettiń О́kili.

2007 jylǵy qapan men tamyz aralyǵynda –  ekonomıka jáne bıýdjettik josparlaý vıse-mınıstri.

2007 jyldyń tamyzynan bastap Qazaqstan Respýblıkasynyń Eńbek jáne halyqty áleýmettik qorǵaý mınıstri laýazymyn atqarǵan.

2009 jylǵy 4 naýryzdan 2014 jylǵy 11 qarasha aralyǵynda – Shyǵys Qazaqstan oblysynyń ákimi.

2014 jyldyń 11 qarashasynan bastap Prezıdent Jarlyǵymen QR Premer-Mınıstriniń orynbasary qyzmetine taǵaıyndaldy.

2015 jylǵy 11 qyrkúıekte Qazaqstan Respýblıkasy Prezıdentiniń Jarlyǵymen Aqtóbe oblysynyń ákimi bolyp taǵaıyndaldy.

2019 jylǵy 25 aqpanda Prezıdent Jarlyǵymen QR eńbek jáne halyqty áleýmettik qorǵaý mınıstri qyzmetine taǵaıyndaldy.

2019 jylǵy 20 tamyzda eńbek jáne halyqty áleýmettik qorǵaý mınıstri qyzmetinen bosatylyp, QR Premer-Mınıstriniń orynbasary qyzmetine taǵaıyndalǵan. Ol bul qyzmetti búgingi kúnge deıin atqaryp keldi.

Ilmek sózder: Saparbaev taǵaıyndaý

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir