Nazarbaev birqatar kadrdy ózgertti

Qazaqstannyń burynǵy prezıdenti, qazir Qaýipsizdik keńesiniń tóraǵasy qyzmetin atqaratyn Nursultan Nazarbaev Qaýipsizdik keńesinde birqatar kadarlardy aýystyrdy. Bul týraly elbasy.kz saıty habarlady. 

Nazarbaevtyń sheshimimen Tımýr Táshimbaev Qaýipsizdik keńesi hatshysynyń orynbasary, Qaıyrgeldi Eseneev Qaýipsizdik keńesiniń áskerı qaýipsizdik jáne qorǵanys bóliminiń meńgerýshisi, Azamat О́mirzaquly Beıisbekov áskerı qaýipsizdik jáne qorǵanys bólimi meńgerýshisiniń orynbasary qyzmetine taǵaıyndaldy.

Al Nazarbaevtyń sheshimimen basqa jumysqa aýysýyna baılanysty Murat Baımuqashev Qaýipsizdik keńesi hatshysynyń orynbasary qyzmetinen, Andreı Kalının Qaýipsizdik keńesiniń áskerı qaýipsizdik jáne qorǵanys bólimi meńgerýshisiniń orynbasary qyzmetinen bosatyldy.