• USD 468.56

  • EUR 497.56

  • RUB 7.3

  • CNY 67.18

29 Naýryz, 12:27:56
Almaty
+35°

Qazaqstan prezıdenti Qasym-Jomart Toqaevtyń jarlyǵymen Jambyl oblysynyń ákimi Asqar Myrzahmetov qyzmetinen bosatyldy. Bul týraly 10 aqpanda Aqorda saıty habarlady.

Aqordanyń jazýynsha, Myrzahmetov qyzmetinen ketýge ózi ótinish bergen. Al onyń ornyna Jambyl oblysyna kim ákim bolatyny áli belgisiz.

Asqar Myrzahmetov Jambyl oblysyna basshylyqqa 2018 jyldyń qańtarynda kelgen. Oǵan deıin ol Aýyl sharýashylyǵy mınıstri, premer-mınstrdiń orynbasary qyzmetin atqarǵan. Alty jyl Ońtústik Qazaqstan (qazirgi Túrkistan oblysy) oblysynda ákim bolǵan. 57 jastaǵy Myrzahmetovtyń qandaı qyzmetke baratyny áli belgisiz. 

Buǵan deıin Toqaev óz jumysyna salǵyrt qarady dep Jambyl oblysynyń ákimi Asqar Myrzahmetovke óziniń áleýmettik máseleler jónindegi orynbasary Sulýshash Qurmanbekovany jáne Qordaı aýdanynyń ákimi B.Baıtóleni, al ishki ister mınıstri Erlan Turǵymbaevqa Jambyl oblysy polısııa departamentiniń bastyǵy Arman Orazalıev jáne Qordaı aýdandyq polısııa bóliminiń bastyǵy A.Aıqymbekovty qyzmetinen bostýdy tapsyrǵan edi. 

Aqpannyń 7-si kúni Jambyl oblysy Qordaı aýdanynda bolǵan etnıkalyq janjalda 10 adam qaıtys boldy, 40-tan astam adam jaraqattanǵan. 36 turǵyn úı men 11 kommersııalyq nysan jáne 44 avtokólik órtengen. 

Etnıkalyq janjaldyń shyǵý sebebi naqty belgisiz. Biraq Qarakemer aýyly turǵyndarynyń sózinshe, janjal etnıkalyq dúngender men qazaqtardyń kólikpen kele jatyp, jolǵa talasýynan bastalǵan.

 

 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir