• USD 468.56

  • EUR 497.56

  • RUB 7.3

  • CNY 67.18

29 Naýryz, 11:57:38
Almaty
+35°

7 aqpanda Jambyl oblysyndaǵy Qordaı aýdany turǵyndary arasynda janjal bolyp, 10 adam qaıtys boldy. Áleýmettik jelide shyńjańdyq dúngenniń osy oqıǵaǵa ókinish bildirip, Qazaqstandaǵy dúngenderge arnaǵan aýdıoúndeýi taralýda. Baýyrlastarynyń áreketin aıyptaǵan shyńjańdyq dúngen hatynyń mazmuny tómendegideı.

Assalaýmaǵaleıkúm! Jaqynda Qazaqstannyń Qordaı aýdanyna qarasty Masanshy kentinde bolǵan oqıǵaǵa qatty qynjyldym. Men bul jaǵdaıdy estigende shyńjańdyq dúngen azamaty retinde qatty renjidim.

Eń áýeli Masanshy kentiniń turǵyndary sender musylman bola tura, birinshi bolyp shataq bastap, qazaqtardy sabapsyńdar. Tipti 70 jastan asqan qartty da aıamaı taıaqqa jyǵypsyńdar. Ol azdaı saqshylardyń jaǵasyna jarmasyp, quqyq qorǵaýshylarǵa jáne 40-tan astam qazaq azamatqa oq atqandaryń qaı qylyqtaryń? Osy adamshylyq pa?

Men shyńjańdyq musylman, shyńjańdyq dúngen azamaty retinde bul oqıǵaǵa qatty tańǵaldym. Qazaq ta musylman ǵoı. Baýyrlas, dos halyq qoı. Eki dúnıeniń sardary Muhammed (s.ǵ.s.) "musylman men musylman tóbelesse, sabaǵan adam da, taıaq jegen adam da, óltirgen nemese ólgen adam da tozaqqa kiredi" demep pe edi?! Sender osy hadısti bilmeısińder me?

Sol kúni dúngen jastary saqshylardyń jaǵasyna jarmasyp, olardy uryp júrgen kezde, qasynda aq kepesh kıip qarap turǵandardy kórip qanym basyma shapty.  Nege ajyratpaısyńdar? Nege aqyl aıtpaısyńdar? Masanshy kentiniń Ahúndary (mollalary) saqaldaryń uzyn bolǵanymen, osyǵan aqyldaryń jetpedi me? Quranda "Jer betinde óz tóńirekterińde týǵan jamandyqty kóre tura tospasańdar, Allanyń qarǵysyna ushyraısyńdar" delingen joq pa?! Saqaldaryń sonsha uzyn bolsa da, jastarǵa nege durystap tárbıe bermeısińder?

"Bir qaryn maıdy bir qumalaq shiritti" degen osy ǵoı. Men qatty qınalyp turmyn.  Qazaq ta, dúngen de musylman ǵoı. Musylman musylmandy sabaǵan degen uıat nárse. Qyrǵyzstanǵa qashyp ketken dúngen baýyrlar, endi esterińdi jıyńdar, isti ýshyqtyrmańdar. Qazaq ta Qudaıǵa qulshylyq qylǵan halyq. Musylmandy musylman óltirse, ekeýi de tozaqtyń otyna túsedi. Osyny umytpańdar.

Taǵy bir erekshe aıtar is – Masanshy kentiniń turǵyndary, qazaq jerinde ómir súrgenderińe 100 jyldan asty. Qazaqtyń sýyn iship, asyn jep otyryp aıtqan rahmetteriń osy ma? Kerisinshe, olardy sabap, kún kórsetpeısińder. Osy adamshylyqtaryń ba? Bizdiń babalar osylaı tárbıe berdi me?

Men Masanshy kentiniń Ahundarynyń birnesheýimen sóılestim. Sender qazaq tilin qulaqtaryńa da qystyrmaısyńdar. Sol elde ómir súrgeli 100 jyldan assa da, qazaq tilin úırenbepsińder. Orystyń, basqa ulttyń tilin úırenip ózderińe qamqor bolǵan qazaqtyń tilin ǵana úırenbeıtinderiń qalaı? Sender, ásili, qazaq ultynyń artyqshylyǵyn úırenýlerińiz kerek edi. Endi osy oqıǵadan sabaq alyńdar, ekinshi bul is qaıtalanbasyn!

Shyńjańdyq musylman, shyńjańdyq dúngen azamaty retinde senderge mynany eskertemin: Eger Qudaıǵa senseńder, dereý qazaqtardan keshirim surańdar! Bul – senderdiń qatelikteriń! Sender dúngenniń betin jer qyldyńdar! Senderdiń nadandyqpen istegen isterińdi bir Alla ózi keshirsin! Assalaýmaǵaleıkým!

Aýdarmashy aty-jónin atamaýdy surady

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir