Qordaıdaǵy turǵyndar janjalynan keıin birneshe sheneýnik qyzmetinen bosatyldy

Qazaqstan prezıdenti Qasym-Jomart Toqaev Jambyl oblysynyń ákimi Asqar Myrzahmetov pen Qazaqstannyń ishki ister mınıstri Erlan Turǵymbaevqa Qordaıdaǵy turǵyndar arasynda bolǵan janjalǵa baılanysty birneshe sheneýnikti qyzmetinen bostaýdy tapsyrdy. Bul týraly Aqorda saıty habarlady.

Aqordanyń jazýynsha, prezıdent Myrzahmetovke óziniń áleýmettik máseleler jónindegi orynbasary Sulýshash Qurmanbekovany jáne Qordaı aýdanynyń ákimi B.Baıtóleni, al Turǵymbaevqa Jambyl oblysy polısııa departamentiniń bastyǵy Arman Orazalıev jáne Qordaı aýdandyq polısııa bóliminiń bastyǵy A.Aıqymbekovty qyzmetinen bostýdy tapsyrdy.

Aqpannyń 7-si kúni Jambyl oblysy Qordaı aýdanynda etnıkalyq dúngender men qazaqtar arasynda janjal bolyp, 10 adam qaza tapqan edi.