primeminister.kz
Úkimet komıssııasy Áljan ana aýylynda Qordaı aýdanynda bolǵan qaıǵyly oqıǵa saldarynan qaza tapqan Darhan Ábdirahymnyń otbasyna bardy. Bul týraly Qazaqstan Respýblıkasy premer-mınıstriniń baspasóz qyzmeti habarlady.
Premer-Mınıstrdiń orynbasary Berdibek Saparbaev pen Jambyl oblysynyń ákimi Asqar Myrzahmetov el basshylyǵynyń atynan onyń týǵan-týystary men jaqyndaryna kóńil aıtyp, qoldaý bildirdi.
Berdibek Saparbaev Darhannyń qaza tabýyna kináliler anyqtalyp, zań boıynsha jazalanatynyna sendirdi.
«Prezıdent Q. Toqaevtyń atynan biz shyn qaıǵyryp kóńil aıtamyz. Berik bolyńyzdar. Otbasy úshin osy qıyn kúnderde berik bolý kerek. Biz kinálilerdi anyqtaımyz, olar zań boıynsha jazalanady», — dedi ol.
Sonymen qatar vıse-premer qaza tapqan azamattyń otbasyna memlekettik qoldaý kórsetiletinin, barlyq qajetti kómektiń beriletinin jetkizdi.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir