akorda.kz
Búgin tańerteń Qazaqstan prezıdenti Qasym-Jomart Toqaev 7 aqpanda Jambyl oblysy Qordaı aýdanynda turǵyndar arasynda bolǵan jappaı tóbeleske kim kináli ekenin aıtty.
Toqaevtyń sózinshe, turǵyndardyń jappaı tóbelesýine memlekettik organdardyń salǵyrttyǵy sebep bolǵan.
"Memlekettik organdar qyzmetkerleriniń salǵyrttyǵy arqasynda arandatýshylar qantógis jasady. Olar jazalanady. Memleket zardap shekkenderge qoldaý kórsetedi. Beıbitshilik pen kelisim bizdiń basty baılyǵymyz, ony buzýǵa eshkimniń quqyǵy joq!" dep jazdy prezıdent Twitter paraqshasynda.
Buǵan qosa Toqaev osy oqıǵa baılanysty kóptegen azamattardan ótinish túsip jatqanyn, etnıkalyq dúngen balasy joldaǵan beınejazbaǵa nazar aýdaratynyn aıtty.
"Bul kúnderi azamattarymyzdan kóptegen ótinishter kelip túsýde. Dúngen balasynyń beınejazbasyna nazar aýdardym. Jaýap beremin: Meniń mindetim - elimizde beıbitshilik pen kelisimdi qamtamasyz etý" dep jazdy Toqaev.
7 aqpanda Jambyl oblysy Qordaı aýdanyndaǵy túrli ult ókilderi turatyn birneshe eldi mekende turǵyndar arasynda tóbeles janjal bolyp, turǵyn úıler men kólikter órtendi. Bılik 8 adamnyń ólgenin, 40-tan astam adamnyń jaraqattanǵanyn habarlady. Polısııa "Adam óltirý" jáne "Tártipsizdik uıymdastyrý" baby boıynsha qylmystyq ister qozǵady. Biraq osy oqıǵa kezinde ustalǵan azamattar bosatyldy.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir