Turǵyndar arasynda jappaı tóbeles bolyp, birneshe adam qaıtys bolǵan Jambyl oblysy Qordaı aýdanynda júrgen Qamshy tilshisi keshegi janjal kezinde ustalǵan azamattardy bosatýdy talap etip turǵan Qarakemer aýylynyń turǵyndarymen sóılesti. 

Olardyń aıtýynsha, bir-birine jaqyn ornalasqan Masanchı (95 paıyz etnıkalyq dúngender turatyn aýyl) jáne Qarkemer (tek qazaqtar turatyn aýyl) aýylynda turatyn dúngender men qazaqtardyń arasy burynnan durys emes. Oǵan sebep - eki ulttyń arasynda bolǵan árbir kıkiljiń kezinde polıseıler dúngender jaǵyna shyǵyp ketedi. 

– Zardap shekken qazaq bolsa da, dúngender sútten aq, sýdan taza bolyp shyǵady. Osydan biraz ýaqyt buryn dúngender qazaq muǵalimderdi uryp-soǵyp ketti. Biraq eshkim jazalanbady. Bizdiń aramyzda ultaralyq qaqtyǵys baıaǵydan bar. Sortóbede osy bizdiń aýyldyń qyz-kelinshekteri jumys isteıdi. Bizdiń qyz-kelinshekter keshke jumystan qaıtýǵa qorqady. Dúngender tıisip, mazaq qylady. Almaty men Qordaı arasynda qatynap jatqan kólikterge shabýyl jasaıdy. Bizde bolǵan qylmystyq oqıǵalardyń barlyǵy oblysqa, respýblıkaǵa shyqpaıdy. Osy aýdan arasynda sheshilip ketedi. Dúngenderdiń joǵary jaqat otyratyn "kryshasy" bar. Dúngenderdiń aıtýynsha, olardy joǵaryda qyzmet atqaratyn Mashanlo degen general qorǵaıdy, –  deıdi qarakemerlikter. 

Olardyń sózinshe, dúngender únemi "qazaqtar jer senderdiki, biraq bılik bizdiki. Biz bárin aqshamen satyp alamyz" deıtin kórinedi. 

– Eldiń shydamy bitti ǵoı. Dúngenderdiń "jer senderdiki bolǵanmen, bılik bizdiki" degen sózin kúnde estımiz, –  deıdi olar.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir