• USD 389.52
  • EUR 429.21
  • RUB 6.07
  • CNY 54.94
18 Aqpan, 17:07:54
Shyńjańdyq dúngen: Dereý qazaqtardan keshirim surańdar! (aýdıo)

08 Aqpan, 2020 NEWS

Qamshy.kz tilshisi etnıkalyq dúngender uryp-soqqan qarııanyń ulymen sóılesti

Vıdeodan skrınshot

Keshe, 7 aqpanda Jambyl oblysy Qordaı aýdanynyń birneshe aýylynda turǵyndar arasynda janjal bolyp, 8 adam qaza tapty. Jappaı tóbelestiń naqaty neden bastalǵany áli belgisiz.  Biraq áleýmettik jelide Qordaı aýdanyndaǵy Masachı aýylynda dúngen ultynyń azamattary "80 jastaǵy qazaq qarııa men onyń eki balasyn armatýramen, balǵamen uryp, basyn jarǵany" týraly aqparat aıtyldy. Kesheden beri Qordaıdaǵy janjal bolǵan aýyldarda júrgen Qamshy.kz aqparat agenttiginiń tilshisi 80 jastaǵy qarııanyń ulynan suhbat aldy. 

О́zin Nurlan Tólegenulymyn dep tanystyrǵan Qarakemer (Masachı aýylyna jaqyn ornalasqan kileń qazaqtar turatyn aýyl) aýylynyń turǵyny jaǵdaıdyń qalaı bolǵanyn túsindirdi. 

– Meniń ákem 78 jastaǵy múgedek adam. 5 aqpanda saǵat 11:00-de Sortóbe aýdanynyń aýrýhanasyna barý kerek bolǵan. Aǵam ekeýmiz ákemdi kólikpen aýrýhanaǵa apara jatqan edik. Masanshy men Sortóbeniń arasyndaǵy joldyń boıynda kele jatsaq, aldymyzdan bir jigit "toqta, toqta" dep júgirip shyqty. Men toqtadym. Ne bolǵanyn suraǵanymda "soqyrsyń ba?" dep boqtap, ursa bastady. Keıin kóligimniń memlekettik nómirin teýip, jerge túsirip tastady. Keıin men túsip, álgi jigitti ıterip, kóligimniń nómirin jerden kóterdim. Meni taǵy bireýi kelip qylqyndyra bastady. Sóıtsem meni qylqyndyrǵan jigit álgi jigittiń baýyry eken. Sosyn meni uryp-soǵa bastady. Osy kezde kólikten aǵam shyqty. Qasymyzǵa taǵy bir balǵa ustaǵan adam keldi. Jalpy 4 adam aǵam ekeýmizge jabyldy. Dúngender kóbeıip ketti. Kólikten ákem túsken kezde bizdi birneshe dúngen ustap turdy da, bireýi baryp ákemdi tepti. Ákem demikpemen aýyrady. Keıin men ákemniń janyna júgirip bara jatqan kezde aǵamnyń basyn taspen uryp jardy. Qasymyzdaǵy dúngenderdiń sany 10-nan asyp ketti, –  dedi Nurlan Qudashbaev. 

Onyń aıtýynsha, keıin oqıǵa ornyna Sortóbe aýyldyq okrýginiń ýchaskelik polısııasy Saıat Súleımenov kelip, tóbelesti toqtatqan. Artynsha jedel járdem shaqyrtqan. Nurlan Qudashbaevtyń sózinshe, qazir ákesi Tólegen Qudashbaev pen aǵasy Marlen Qudashbaev aýrýhanada jatyr. 78 jastaǵy qarııanyń jambas súıegi synǵan. 

Al polısııa qyzmetkerleri 78 jastaǵy qarııa men onyń uldaryn uryp-soqqan dúngenderdi 6 aqpanda qamap, keıin qaıta jibere salǵan. 

– Bizdi jabylyp urǵan dúngender sol kúni qamaýǵa alynǵan joq. Tek kelesi kúni ǵana bireýin qamady. Onyń ózi qujaty boıynsha "psıhıkalyq aýytqýshylyǵy bar" dúngen eken. Polıseıler maǵan "senderdi tek osy dúngen ǵana soqqyǵa jyqqan. О́zi karatıst. Jyndy degen qaǵazy bar" dedi. 6 aqpan kúni aýdandyq ishki ister bólimine barǵan kezde dúngenniń advokatyn kórdim. Qazaq áıel eken. Ol maǵan "men bulardan bólek basqa da dúngenderdi qorǵap, shyǵaryp alǵanmyn. Buny da bosatyp alamyn. Qazaqtar senderdiki durys emes" dep aıtty. Advokattyń aty-jónin bilmeımin. Sol kúni túngi birge deıin polsııa bólimshesinde boldym. Biraz suraqtar qoıdy. Álgi dúngendi bosatyp jiberipti. Ertesi kúni  tańerteń aýdandyq ishki ister bólimine baryp, dúngen jigittiń qaıda ekenin surasam, sol jerdegiler "bilmeımin" dep qysqa qaıyrdy, –  deıdi Nurlan Tólegenuly.   

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir