tengrı
Jambyl oblysynyń Masanshy aýylyndaǵy oqıǵa kezinde áleýmettik jeliniń keı qoldanýshylary zańsyz áreketterdi jasaýǵa shaqyrǵan, dep aıtty ishki ister mınıstri Erlan Turǵymbaev OQK-degi brıfıng barysynda.
– 7 aqpanda keshki 19:00-de Qordaı aýdany Masanshy aýylynyń shetinde 70-ke jýyq narazy turǵyn jınaldy, olardyń arasynda buzaqylyq nıetpen toptyq urys bastaldy. Oqıǵa ornyna qordaılyq ishki ister bóliminiń qyzmetkerleri keldi. Arandatýshylar men oqıǵa kýágerleri bolǵan jaıtty vıdeoǵa túsirip, messendjerler men áleýmettik jeli arqyly turǵyndardy zańsyz áreketterge shaqyrǵan. Bul qaqtyǵystyń shıelenisýine jáne toptyq urysqa qatysýshylar sanynyń kóbeıýine ákeldi. Nátıjesinde kórshi eldi mekenderden 300-ge jýyq adam keldi, – dep málimdedi Turǵymbaev.
Mınıstrdiń aıtýynsha, Masanshy aýylynda qoǵamdyq tártipti qamtamasyz etý úshin qosymsha polısııa jasaqtary jiberilgen.
– Janjalǵa qatysýshylar polısııaǵa belsendi qarsylyq kórsetip, olardyń zańdy talaptaryn dóreki túrde oryndamaǵan. Buzaqylar metall zattardy, tastardy, atys qarýlaryn qoldanǵan. Keıinirek Aýqatty jáne Bulan-Batyr aýyldary da qaqtyǵystarǵa ushyrady. Eldi mekender men joldarǵa kiretin perımetrdiń aınalasyndaǵy joldarda bógetter qoıyldy, – dedi ol.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir