"Baraholka" bazary qorshaýǵa alyndy

Kóptegen saýda bazarlarynan turatyn Almatydaǵy "Baraholka" bazaryn polısııa men ulttyq gvardııa jasaǵy qorshaýǵa aldy, dep jazady Vlast saıty.

Bazardyń ádettegi jumys kúninde jabyq turǵanyn polısııa ókilderi Qordaıdaǵy jaǵdaımen emes, órt sóndirý jattyǵýlarymen baılanysty deıdi.

Jumys istemeı turǵan bazarlardyń qatarynda dúngen ultynyń ókilderi isteıtin "Iаlıan" bazary da bar. Bazar mańynda órt sóndirýshi kólikteri kórinbegenimen, polısııa qyzmetkerleri men júk kólikteri kóp júr.