Mınıstr: 8 adam qaza tapty, 2 polıseı jaraqat aldy

Jambyl oblysy Qordaı aýdanynda bolǵan janjaldan 8 adam qaza boldy. Bul týraly IIM basshysy Erlan Turǵymbaev habarlady. 

"Ondaǵan adam jaraqat aldy, segiz adam kóz jumdy. 2 polıseı jaralanyp, 30-dan astam úı, 15 saýda nysany qıraǵan. Sondaı-aq 23 kólik búlingen", - dedi mınıstr 8 aqpan kúngi brıfıng kezinde.

Sonymen qatar mınıstr 47 adamnyń polısııa bólimine jetkizilgenin, 2 ańshylyq myltyq tárkilengenin aıtty. 

Ol "barlyq kinálilerdiń jaýapqa tartylatynyn" málimdedi. Qazirgi kezde janjal bolǵan eldi mekenderdi polısııa baqylap tur. Mınıstr jaǵdaıdyń turaqtanǵanyn aıtady.